因為我鍾意Dimanche嘅攝影風格，攝影技術同埋場景都影得好靚，所以就揀咗佢哋嘅pre wedding service。 影pre wedding之前，團隊同我哋溝通得好好，會問我哋鍾意嘅風格同衫，仲問我哋喺唔同嘅景到想有啲咩風格，都比較個性化。Dimanche會先問我哋想去邊啲地方，然後再幫手編排路線， 仲會就住唔同地方嘅特別之處，例如係夜景靚啲或者日景靚啲，去俾返啲意見我哋🤩。

拍攝當日，攝影師都幾活潑，成個過程都帶住我哋點樣影會自然啲，靚啲，教埋我哋點樣擺pose，又會同我哋溝通想點樣影。Dimanche嘅指導令我哋覺得好輕鬆，自然。氣氛開心啲，我哋影相笑容都自然咗好多🌟。 團隊喺出發之前都有互相夾下， 之後當日都一直有溝通幾時補妝，換妝，換衫，打燈要點樣打咁樣😆，配合都好好。喺中間嘅車程團隊仲會同我哋傾計，令我哋覺得好似同朋友一齊出嚟咁，都幾開心同輕鬆。 雖然影相嗰日好凍，但係其實我哋好鍾意大澳嘅景，AIA 摩天輪夜景影出嚟都好靚，真係好鍾意。 我哋後尾睇返啲相覺得凍咗一日都好值得，成個拍攝過程都好開心💕。

化妝師都好細心，會整返啱我嘅髮型，例如石澳影相嗰日好大風，佢建議咗紮起頭髮會方便啲，因為大風會吹散啲頭髮，所以後尾啲相影出嚟完全冇受到啲風影響✨。俾完意見，化妝師仲不斷同我溝通🥹。最後收到相嗰刻，真係好滿意，啲相睇落好自然又靚❤️。我同老公揀相嘅時候，真係每張都想要，所以揀咗好耐🤣。

我哋睇咗好多公司都覺得差唔多，咁啱朋友知道我哋搵緊攝影公司，就推薦Dimanche俾我哋，我哋大致聽完朋友嘅comment之後，都覺得唔錯，網上見佢哋啲相都幾靚，而且價錢都係我哋嘅預算之內，所以就就揀咗Dimanche！ 無論我哋有啲咩問題，佢哋都會好快覆到我，好細心咁解答我嘅問題。

我哋嘅package包咗室内同戶外拍攝 📸 ，攝影師都好好，會事先plan啲比較特别嘅景點我哋參考，再同我哋討論，引導我哋回憶吓有冇咩地方係對我哋嚟講好有紀念價值，我哋討論完之後，攝影師就會幫我哋計劃路線同埋時間上嘅安排，會盡量安排多啲景點俾我哋拍攝，而且室内部分亦都有設計好多唔同類型嘅背景俾我哋選擇。我哋都唔太知邊啲風格會適合我哋多啲，攝影師就會用佢嘅眼光同專業俾一啲建議我哋，佢亦都會搵啲sample俾我哋睇睇，都好helpful，好願意花時間主動了解新人嘅需求，所以我哋都好放心🌟！

戶外拍攝當日，由於交通有少少問題，我哋就擔心時間上會唔會好趕，有啲景點去唔到之類嘅狀況出現，之不過佢哋都安排得好好，cut咗少少化妝嘅時間，令之後嘅schedule都同原先嘅安排一樣，每個景點都會去到，真係好抵讚，應變能力好快，可以快手咁調動到時間上嘅安排！💯

負責我哋嘅攝影師係 Ken， 佢俾我同太太嘅印象十分好，份人好nice，會俾好多idea我哋，會教我哋擺pose，俾我哋嘅指示都非常清楚，一講就明 🤣 ，而且佢好識去拿捏點樣去營造一個好嘅氣氛，令到我哋唔會覺得緊張或者拍攝期間有負擔。拍攝過程，我哋都見到佢哋團隊之間會有好多交流，大家都會知道對方下一步要做乜，唔會各自各做自己嘢，非常有默契。 成個拍攝嘅過程都好開心！無論近或遠鏡都好，Ken都影得好自然，好啱我哋嘅style，又唔會太過做作，而且 Ken 本身對於拍攝角度嘅拿捏都啱啱好，好有自己嘅style，每個景點影出嚟都有好多唔同嘅視覺感受🤩。