當時我哋都有考慮過其他律師，但最後揀咗陳律師，主要係因為佢口碑好，而且佢好專業，好可靠。 第一次見陳律師嘅時候，佢講嘢好詳細，由頭到尾一步一步教我哋成個程序、需要做嘅嘢， 令我哋唔會太緊張，對證婚都有心理準備。佢表現好專業，仲會提醒我哋可能會遇到嘅情況，俾我哋心入面有個底🥹。平時搵佢或者佢嘅秘書，陳律師覆得幾快，唔洗我哋等好耐。成個過程入面，佢哋好細心，會俾充足時間我哋去理解每一步，同我哋一齊 go through 成個程序，令我哋清楚明白要做啲乜嘢。佢真係好盡責，好有心機，仲特登提早嚟，俾我哋有足夠時間準備，唔會手忙腳亂。 至於當日表現，陳律師嘅 speech 準備得好好，語氣同speech都好專業，令我哋同屋企人都覺得好放心。佢對新人真係好體貼，成個過程處理得好妥當。喺法律文件方面，佢同助手都好細心，會清楚講解需要帶嘅文件同用品，例如身份證，同埋佢會準備戒指盒等等，我哋都唔會有疑惑。整體嚟講，我覺得陳律師嘅服務非常專業又細心，冇乜可以挑剔！☺️

我揀陳律師嘅原因好簡單，就係因為佢回覆我哋嘅速度係最快❣️！無論我哋問咩問題，佢都會好快回覆，呢點令我哋覺得佢真係可靠，而且後續溝通上我哋都冇乜疑問，成個過程所有嘢都好清晰明確🙌🏻。其實一開始揀佢，當時佢即場打電話去確認日子係okay，當晚就覆返我，令我哋都好放心，覺得陳律師好啱我哋，效率真係好高。即使我有啲想法係臨時先俾陳律師，佢都好配合我哋，成個證婚過程都好順利。陳律師理解力高、接受能力強，唔會因為我哋臨時有新嘅idea而影響到表現，佢反而會即場俾意見我哋，幫我哋完善成個流程。即使我哋嘅安排係比較特別，同其他新人嘅係有啲唔一樣，佢都好尊重我哋嘅諗法，仲會建議我哋點樣做會更加順利🥳。佢嘅態度咁正面，俾咗我哋好大勇氣同信心去完成呢件事，即使呢啲安排可能對其他人嚟講覺得奇怪或者搞笑。 我印象最深係陳律師真係好投入成個婚禮，當日我哋婚禮得三十幾個人，但佢參與度非常高，連我哋由韓國嚟嘅親戚都覺得佢好專業、好投入。陳律師證婚令成個婚禮氣氛好好，我哋都覺得如果冇佢喺到，可能會少咗啲精彩嘅地方，真係好好彩搵到佢做我哋嘅證婚律師😚！ 不過初期溝通上有少少混亂，因為一開始有兩個同事同時間聯絡我，我唔係好清楚應該答邊個，但都只係好細微嘅問題，唔影響整體服務。整體上我覺得證婚儀式好順利，而且陳律師專業度非常高，我對佢嘅表現完全滿意。 我哋覺得真係好好彩遇到陳律師☺️，好多謝佢！