我係透過朋友介紹認識陳佩玉證婚律師，我覺得陳律師解釋得啲嘢好清楚，成個過程都幾順利🌟。佢對證婚儀式嘅流程好熟悉，任何問題都解答到，所以我哋對佢都幾有信心。 文件方面，佢哋都解釋得幾清楚，令我知道每一份文件嘅用途，唔會令人覺得好難明。婚禮當日，陳律師證婚嘅表現係好好，講嘢清楚、順暢，成個過程都好順利，唔洗擔心有咩突發狀況會發生。當日陳律師早咗到，仲同我哋簡單講解一次成個過程，確保我哋清楚自己要做啲咩，唔會咁緊張☺️。所以喺證婚儀式開始之前，我哋事前有rehearsal一次，令到我哋有啲心理準備🤪。 陳律師係一個專業又細心嘅律師，當日證婚嘅氣氛亦都好輕鬆。如果事前我哋可以同陳律師見一次面會更加好，咁樣會更加有信心👍。

初期主要係由陳律師嘅同事跟進，回覆速度都幾快，不過去到中間嘅時候，回覆速度就慢咗少少，例如星期日問咗嘢，星期三先覆返。面談嘅時候，陳律師安排咗另一位律師同我哋詳細講解返當日嘅流程，包括要簽啲咩文件、注意啲咩細節，呢位律師表現得好專業🌟，態度好好，好有禮貌，而且講解得好清楚，好易理解同清晰🤩。

當日陳律師嘅笑容真係令我印象深刻，佢俾我嘅感覺好開朗，嗰種開心嘅氣氛係會感染到周圍嘅人。我太太都話陳律師笑得好開心，佢由頭到尾都保持住笑容，真係冇停過😆。其次，喺證婚嘅過程當中，陳律師好專業，講每一句嘢都非常順，冇甩咗或者kick住嘅情況，成個過程都好順利，所以我對陳律師嘅表現好滿意😁。另外，陳律師同其他人嘅溝通協調方面都做得好好。佢嚟到之後就主動搵我、MC同埋酒店經理，一齊商量成個rundown，分配每個人喺邊個時段做啲咩。陳律師講解得好仔細，確保每個人都清楚自己嘅角色，呢一點真係值得讚賞👍。

喺時間安排方面，當日陳律師有準時到，但因為我哋係6點正式開始證婚，中間得返大約15分鐘準備，呢段時間都幾趕。陳律師要處理好多溝通同彩排嘅細節，如果可以再早大約5至10分鐘到場，會更加輕鬆🥳！同埋婚禮當中有一個細節我幾欣賞，就係揭新娘頭紗之後，因為我自己有啲緊張，冇留意到頭紗亂咗，陳律師即刻幫我整理返，所以佢真係好細心，令我哋覺得非常加分💯！