我喺1881嗰度搞婚禮，佢哋嗰邊嘅event vender就推薦咗我哋搵陳律師😁。婚禮之前我哋要去婚姻註冊登記處嗰度搞一啲手續，之後就再交啲文件去律師行，當時陳老師就比定一啲婚禮當日嘅詳細流程俾我哋👍，令到我哋有預備，可以知道當日要點做😍。

到婚禮當日，陳律師都有提早嚟，嗰日其實我都好忙，趕到個人暈暈地，陳律師都特登捉我哋埋一邊去講婚禮流程❤️。佢真係每個細節都好清晰同非常仔細，真係好surprise🤩。因為無預計個briefing可以咁detail，需要多啲時間，所以都變咗有啲趕，我諗如果陳律師之後再同其他新人合作時可以試吓再約早少少應該會更好。

有一樣嘢我覺得佢做得幾好😉，佢會聯絡晒成個婚禮入面嘅唔同人員，包括攝影師、場地工作人員等等，同佢哋講晒成個流程同埋要預備啲乜嘢，要點樣配合，幫我哋手令到唔同嘅party可以cooperate到 ，真係幫咗好多💯。 我哋有個朋友之後好驚訝咁問個律師我哋係咪認識，佢以為我哋係認識個律師，因為佢覺得陳律師好熱情🔥，又friendly，就以為我哋係friend底😆。我自己聽到呢個comment都好surprise🤩！因為即係佢唔係表現到係俾錢請個人幫你完成件事，而係真係好似一個朋友咁，好上心去幫你做嗰種感覺，真係好多謝佢🙏🏻！

我係經婚享會嘅Wedding planner介紹認識到陳律師😁，當時wedding planner佢都俾咗好多方向我哋，例如係鍾意浪漫風格或鐘意激情風格就揀邊啲律師，我覺得對我哋新人嚟講都好有幫助👍。

陳律師佢有預早同我哋傾嚟緊要做啲乜嘢，用有商有量嘅方式去同我哋傾之後落嚟咩步驟😏。我先生都話覺得比想像中好👍，好有禮貌。Big day當日都好順利😄，佢講嘢唔會食螺絲👍。

我最想讚陳律師嘅地方係佢好細心❤️，好有耐性。我老爺年紀比較大，陳律師好細心好溫柔咁提佢要喺邊度簽名😊，好感激佢好體貼啲長輩🙏🏻。如果10分來講，我覺得佢真係可以攞到10分💯！