咁啱朋友識得陳律師，於是就揀咗陳律師做我哋嘅證婚律師，我都見到陳律師有攞過獎，所以我哋對佢都比較有信心。我哋上過去佢哋律師樓簽文件，佢哋同事就會同我哋提返啲證婚流程。 Big day嗰日，陳律師都有提早至少半個鐘到，同我哋，MC，攝影師，三邊都夾吓啲流程。佢都好主動再Rehearsal多次一陣嘅流程，解釋各樣嘢，會一步一步講每個step應該點做，就連證婚人要簽喺邊度都會提我哋，確保俾啲指示都係清晰。我喺證婚前好last minutes先寫好我段誓詞，咁我就快快message陳律師，佢都好快覆我，幫我哋望一望，唔會ignore我哋，都唔會責怪我哋點解咁遲先寫好。基本上當日我哋簽名就得，其他證婚嘅嘢都已經安排好曬，陳律師都有主動講一段opening，介紹我哋，幫我哋暖場，feel到佢真係好用心😆，睇得出佢好開心可以參與到我哋wedding，唔會淨係當例行工作咁做。

另外，我覺得幫我哋準備前期工作嘅同事都好細心，好多文件上都好謹慎處理，每份form嘅information都會解釋俾我哋，提點我哋需要留意邊啲地方，令我哋清楚了解到要準備嘅文件。成個過程都感受到陳律師同啲同事嘅專業度，服務態度又好好，我哋都好滿意陳佩玉律師嘅表現！ 💯

我係透過朋友認識到陳律師，我就冇睇過其他律師，加上我本身比較信任朋友，朋友亦都好推薦陳律師，我就直接㨂咗陳律師幫手證婚部分。☺️我哋主要係用whatsapp溝通返啲細節，我覺得陳律師好專業，法律上嘅細節都講得好清楚，🤓文件處理上都好謹慎，整個程序大致上都ok嘅，因為我太太之前有去台灣申請一張未婚證明，咁當中就有少少插曲，我哋都有問陳律師意見啦，🥰佢都好詳細同埋好樂意幫我哋嘗試去解決問題，教我太太再去做返個decoration證明依家系單身未婚人士，最後成件事都好順利settle咗！👍🏻

證婚當日陳律師表現整體上都ok，我哋簽證書嘅時候陳律師都好細心，會lead住我哋做每一個步驟，都一直提醒我哋要小心。☺️其實我哋都覺得陳律師係一位好有親和力嘅人，相處落都好舒服，可能陳律師比較忙，有少許部分有少少甩漏，不過咁都好正常嘅事，冇影響到其他事，所以最後成個過程都好順利。