當初結婚公司介紹陳佩玉律師，而我都幾信任我嘅Wedding planner團隊，最後我就揀咗佢哋推薦証婚律師陳佩玉律師啦😁。我哋主要喺WhatsApp度同陳佩玉律師團隊嗰邊夾😉，及會約幾時上律師樓傾細節。陳佩玉律師樓嘅職員都幾親切，解釋各樣嘢都好詳盡👍，會一步一步講每一個程序應該點樣做😉。Big day之前都有啲資料要交，有時候如有資料要更改嘅話，都可以透過WhatsApp send去改，唔使特登再上律師樓😆，交資料嘅時候都幾方便❤️。最後就算完咗個婚禮，交番俾我哋嘅婚姻文件都好齊全🥰！

我覺得陳佩玉律師係一個好細心💗同精準嘅人，例如係big day嗰日提前到會場同我哋check一下個流程，我哋感受到陳律師好擔心有甩漏出現，佢超着緊我哋嘅婚禮😍，佢嘅着緊同埋對我哋婚禮嘅關心令我哋對婚禮嘅進行感到安心❤️。

另外，Big day第一次見陳佩玉律師嗰陣時，我覺得佢幾特別💓，最特別嘅係佢嘅妝容同埋語調😄。陳佩玉律師嘅妝容好前衛，俾人嘅感覺好精神🔥，整體望落去都OK💪🏻。而語調方面，因為佢講嘢嘅語調雖然有少少好似錄音帶Miss講嘢😂，但我覺得陳佩玉律師用詞、談吐都好好㗎💯，又識得搞吓氣氛，同台下嘅客人互動👍，當日全賴有陳律師成個流程先可以咁暢順😆。

嗰陣上網搵證婚律師，我一睇就睇中咗陳佩玉律師🤗。當時我哋嘅時間都幾緊迫，我Big day前兩個月先搵證婚律師，之後見到陳律師適合就即刻打電話去問下期😆。嗰陣接電話嘅職員講解Package都講解得好清晰明白，仲好Nice，每次我搵佢都可以好快回覆到我，好有效率🥳。之後要交資料同文件都係佢主動聯絡我，之後我上咁佢哋上律師樓交文件，佢哋都會好細心同詳細咁同我講解文件😍。

婚禮當日，陳佩玉律師提早咗15分鐘到場做準備，之後佢同我哋講解證婚嘅時候我哋應該要點做😊。嗰日嘅流程都幾趕，但陳律師都好願意配合我哋嘅Rundown，而主持證婚環節嘅時候都表現得好正經，好認真，成個證婚環節都好順利，無任何甩漏👍🏻我都好滿意佢嘅表現，覺得佢係一個好值得信賴嘅證婚律師👏🏻！之後，陳律師都好齊整理交返啲文件比我哋。因為我先生之前唔係好得閒上律師樓，有啲文件都係Big day當日先搞，而呢啲文件證婚完咗之後，陳律師都可以好快俾返我哋！ 😆