我哋喺book婚宴會嘅場地認識到陳佩玉律師，覺得幾唔錯，之後就聯絡佢😄。之後，第一次上律師樓係陳律師嘅同事接待我哋，佢仲講解成個流程比我哋知，講得好清晰，令我哋清楚了解到要準備嘅文件😍，而成個過程都好順利，冇甩漏，我哋冇嘢需要補交，好快就搞掂晒，方便快捷👍🏻。第二次上律師樓就上去簽婚前不反對通知書，今之係我哋第一次見到陳律師😆。其實，嗰一日陳律師本身忙緊，但係佢中途忙完都走過嚟同我哋見個面，打聲招呼，呢一次短暫嘅見面我哋已經覺得佢好親切🤩。

Big day當日，陳律師好準時出現👍🏻。由於我哋婚禮冇請到MC，陳律師甚至幫我哋擔當埋MC角色，帶領成個證婚流程，佢仲好帶動到氣氛🤗。我好感受到陳律師嘅敬業，因為結婚當日其實都好凍下，又大風，加上我哋喺室外舉辦證婚，人都凍到震，但陳律師揸住支咪講嘅嘢都講得好有內容，唔會隨隨便便就帶過咗呢個環節，真係好專業💯。而且佢之後交俾我哋嘅文件都好完整，佢甚至會坐低enjoy我哋嘅婚禮，唔會急急腳就走，感覺係當我哋朋友咁參加我哋呢一場婚禮🥰。最後，我啲親戚朋友都有話覺得陳佩玉律師好nice，唔似一般律師咁嚴肅，覺得佢好融入到我哋嘅婚禮💕。

嗰陣我哋都好頭痛要搵邊個證婚律師，好彩我哋晚宴嘅場地俾我哋認識到陳佩玉律師，我哋就即刻打電話聯絡佢。另外，我哋嘅婚禮地點有啲特別😂，我哋唔係喺酒樓證婚，而係喺有機農莊做證婚，陳律師都話佢都係第一次喺呢個地方做證婚🤗！之後，我哋上咗一次佢嘅律師樓，佢嘅助手會俾晒啲文件我哋填，而我問咗好多問題，佢都好樂意為我解答，服務態度好好👍。另外，佢嘅助手亦都會提點我哋有啲乜嘢要準備。

婚禮當日，係我第一次見陳律師，令我最意外嘅係陳律師竟然早咗一個鐘頭到😍。嗰陣時好搞笑，我哋見到有個人抱住隻狗狗行過嚟，一開始我哋都估唔到原來嗰個就係陳律師😂，令人感覺佢好親民😚，加上佢化咗妝，着住粉紅色嘅褸同我印象中嘅律師感覺好唔同，唔會好嚴肅，反而覺得佢好nice🤗。

之後，陳律師好清楚咁講解流程，令我哋容易明白個流程係點，俾我哋有一個印象應該係要點樣做👍🏻。證婚嘅時候，陳律師說話都好清晰。當日我哋有啲delay，我本身仲擔心會影響證婚時間，但陳律師好好，願意遷就我哋嘅時間，又唔會特別去計返啲時間同埋費用，反而會係等主持證婚儀式嘅空餘時間好好欣賞我哋嘅場地🥰。