我係經prewedding公司介紹認識咗陳佩玉律師，當時佢哋咁啱有優惠券俾到我，我又覺得幾實惠，之後上網比較過其他嘅律師，見陳律師嘅comment又唔錯，於是就揀咗陳律師做我哋嘅證婚律師，之後我哋都有上佢哋律師樓簽文件，佢哋職員嘅服務態度都幾好。👍🏻

Big day嗰日，我覺得陳律師為人都幾nice，佢仲會自己安排曬證婚嘅所有嘢😄。證婚過程中，一切都順利，冇乜甩漏，陳律師咬文嚼字都好清晰，中途講幾句笑話帶動下氣氛，等個場面冇咁嚴肅，講嘢嘅時機都好恰當。我最記得嘅係，陳律師見現場有外國賓客，係我哋無要求之下，佢竟然好主動咁用中英文雙語證婚，呢下令我覺得都幾驚喜，覺得陳律師都好貼心同細心！🤗

當初結婚公司介紹陳佩玉律師，而我都幾信任我嘅Wedding planner團隊，最後我就揀咗佢哋推薦証婚律師陳佩玉律師啦😁。我哋主要喺WhatsApp度同陳佩玉律師團隊嗰邊夾😉，及會約幾時上律師樓傾細節。陳佩玉律師樓嘅職員都幾親切，解釋各樣嘢都好詳盡👍，會一步一步講每一個程序應該點樣做😉。Big day之前都有啲資料要交，有時候如有資料要更改嘅話，都可以透過WhatsApp send去改，唔使特登再上律師樓😆，交資料嘅時候都幾方便❤️。最後就算完咗個婚禮，交番俾我哋嘅婚姻文件都好齊全🥰！

我覺得陳佩玉律師係一個好細心💗同精準嘅人，例如係big day嗰日提前到會場同我哋check一下個流程，我哋感受到陳律師好擔心有甩漏出現，佢超着緊我哋嘅婚禮😍，佢嘅着緊同埋對我哋婚禮嘅關心令我哋對婚禮嘅進行感到安心❤️。

另外，Big day第一次見陳佩玉律師嗰陣時，我覺得佢幾特別💓，最特別嘅係佢嘅妝容同埋語調😄。陳佩玉律師嘅妝容好前衛，俾人嘅感覺好精神🔥，整體望落去都OK💪🏻。而語調方面，因為佢講嘢嘅語調雖然有少少好似錄音帶Miss講嘢😂，但我覺得陳佩玉律師用詞、談吐都好好㗎💯，又識得搞吓氣氛，同台下嘅客人互動👍，當日全賴有陳律師成個流程先可以咁暢順😆。