朋友介紹咗Fancy Bridal俾我，用過覺得唔錯，話佢哋唔hard sell，所以我對佢哋都有信心❤️。而且我最by嘅一點係佢哋係一條龍服務，乜都唔需要煩，價錢都合理。當中，Andrew俾我嘅感覺係好經驗豐富，做嘢都好配合到我。佢除咗同我傾細節之外，係各方面都好幫到手，例如我話想約租衫👗，佢就會幫我安排。Andrew仲好隨和，就算我冇join佢哋嘅wedding planner，佢都肯幫我睇下big day rundown嘅流程俾下意見。

佢哋依家個新studio比之前嘅闊落咗好多，環境又乾淨，試衫都舒服啲。Andrew做嘢都好周到，會一早問定我鍾意啲咩款，事先幫我介紹咗啲款，等我上去studio可以直接試，幫我省返好多時間，呢點都係我老公特別欣賞嘅地方👍🏻。而且，Andrew對試禮服都幾有要求，如果佢覺得我試嘅衫未完全fit到我同令我滿意嘅話，佢仲會幫我試到OK為止，我都好相信佢嘅品味，所以係呢方面我都唔駛擔心🤣。而化妝師Angel都好nice，佢會因應我嘅要求幫我化最啱我嘅妝，同埋影相嗰陣都好照顧我。當時天氣好悶熱，我身體又唔舒服所以都嘔咗，Angel會係我隔離幫我撥扇，俾水我飲，一直陪住我照顧我，超窩心🙏🏻。

幫我影pre-wedding嘅係阿Joe同阿傑。我哋當時去咗石澳影，石澳啲景點比較多沙石，而我著住禮服行路又唔方便，阿Joe就提議我去有草地嘅地方影，等我可以舒服啲，好少人會做到呢啲額外嘅貼心🥰。佢幫我哋影嘅相自然唔誇張，構圖都好靚。同埋，阿Joe真係唔話得，big day前一晚佢就同我講驚聽日天氣唔好，影得唔多相，所以佢會提早一個鐘到，控制返啲時間，早到早開始，睇得出佢做咗好多事前準備😀。就算佢早到咗，都冇比壓力我哋話要即刻開始，會就返我哋方便，所以全程都進行得好順利👍🏻。整體嚟講，佢哋好多嘢都會主動同我哋溝通，有咩計畫都會同我哋傾，好尊重我哋，又會貼心為我哋諗，真係好好！

好耐之前我老公朋友搵佢做兄弟，當時佢嘅朋友就係搵Andrew幫手統籌婚宴。我老公當時見到覺得幾唔錯，到後來自己搞婚禮嘅時候都即刻諗起佢，冇諗過其他。因為都真係見識到佢對婚宴嘅着緊程度同埋細心程度，所以我哋都好放心。🥰

我第一次見到Andrew覺得佢談吐儀容都好好，比到嗰種好敬業嘅感覺我。喺傾談嘅過程當中俾咗好多意見，唔明都可以問到明為止。甚至乎有啲儀式係長輩都唔清楚要點做，例如係上頭或者過大禮，佢都會好盡責咁樣教我哋，所以我都好感恩可以遇到佢。👍🏻

佢哋裙選擇都OK，我自己有選擇困難症，如果好多好雜我揀唔到，佢哋係會準備一啲佢認為啱我嘅款俾我，所以我個範圍變相係縮窄咗好多。佢哋係根據我嘅個人特質去決定，當然之前都有問過我要咩心水啦。咁所以我都好快可以揀到啱我嘅衫。化妝師Angel佢無論係妝容同頭髮都好別出心裁，當日直程有朋友問我化妝師係邊個，叫我推介比佢哋。攝影師阿Joe佢盡責到瞓低咗成個人嚟影相，我同老公都係第一次見。佢竟然唔介意地下污糟同埋辛苦，所以我老公不斷讚佢。我表情有時會僵硬佢都講笑話去氹我，等我個人放鬆啲。😊

雖然big day當日我好忙，冇辦法好似pre wedding咁同阿Joe有咁多交流時間，但係我都知道佢好盡力嘅。我記得上場婚宴Andrew都係跑來跑去，有好多嘢都要佢幫手提醒，唔記得咗邊個同我講話覺得Andrew緊張嘅婚禮仲多過我，可想而知佢有幾咁落力啦。😙