我喺網上見到佢哋啲款式都好靚😍同埋價錢相宜👍，所以就搵時間上咗佢哋舖頭睇睇。員工Miki 好friendly😏，我講我嘅要求同埋預算，佢就介紹返啲更加經濟嘅款式俾我哋🥰。佢好細心聆聽我哋嘅需要亦都介紹返我哋預算之內嘅產品，我覺得佢介紹啲款都好啱，好幫到手💯。我先生係外籍人士，我原本都預計可能我要自己再同先生講解做翻譯，但佢有用英文同我哋介紹，呢一樣嘢我都好驚喜😍。

我鍾意啲花少少嘅款，例如係有啲玫瑰金加其他顏色，但係我先生就比較鍾意啲踏實款式，結果Miki就俾我揀先😉，再因應我揀嘅款式揀返啲可以配合到嘅戒指俾我先生再揀，都好耐心❤️咁向我哋解釋各種設計同物料，呢一點我都幾滿意💯。 我覺得佢哋好helpful🥰又唔會好hard sell👍。之前我哋去其他大舖睇過，覺得啲款啱心水得來價錢又唔係咁合適，但lovebird佢哋啲款靚得嚟性價比都高💯，加上員工好friendly🥰，唔會只係掛住推廣自己有咩款式🤩，而係真係去聽我哋嘅需要同喜好去介紹，都滿意佢哋嘅服務😉，所以最後就係佢哋嗰度買咗對戒💍。

對戒指要刻字同埋先生個ring size比較特別😏，所以唔係現貨，但係都好快手，2星期內就有，戒指戴落好舒服😉。我先生關節骨好粗，但係手指比較幼，隻戒指唔會甩到出嚟不過就會轉，於是我就去問返佢哋使唔使要改大細，我原本都驚可能要再加錢整，但係佢哋就話可以去淘返個膠圈墊喺裏面就得，好簡單就處理到唔會咁鬆🤩！佢冇特別要再收我錢，仲係介紹一個咁簡單又平嘅方法可以解決到，所以呢一點我都好滿意👍❤️！

我揀求婚戒指💍嗰時喺網上forum睇到有人推介Lovebird diamond，話佢哋解釋得清楚，態度幾好，就搵咗個時間上去佢哋北角間舖度睇睇😏。舖頭感覺上有啲暗，但舒服整潔🌟。上到去同事Ivan佢好清楚咁樣解釋鑽石嘅4C同埋啲顏色係點樣睇，仲會有埋放大鏡俾我睇返啲鑽石😁。我之前去過另一間店就冇啲咁嘅服務，一上到去就係問我要咩同幾多卡，然後攞出嚟俾我睇，就係咁多，所以喺有對比之下更加覺得佢哋服務幾好💯，我可以好清楚咁了解到粒鑽石😍。

佢哋公司網頁上有list啲鑽石出嚟，所以我上去前都揀定咗幾粒。除咗嗰幾粒石，佢亦都有根據我嘅要求同預算比一兩粒佢自己推介嘅石我睇😉，而我最後都揀咗佢推介嘅裡面嘅其中一粒，係淨度比較高，價錢亦貼到我嘅要求❤️。因為我第一次上去嘅時候比較趕， 所以只係揀咗石，之後先再上去揀戒指托😄。 而我買咗鑽石之後都有個小插曲🤣，通常香港買鑽石，粒鑽石上面都會刻咗一個編號，好似佢嘅身份證號碼咁，但係我嗰粒石唔知係咪因為外國入口就冇咗嗰個號碼，Ivan都會幫我去鑒證嗰度刻番個編號先，所以用多咗少少時間。

不過至於戒指嘅設計，我之前喺其他舖頭睇到有一啲我幾鍾意嘅款式，就俾咗張相Lovebird Diamond睇吓可唔可以模仿吓。佢哋就送上廠嗰邊問，等廠嗰邊就回番張設計圖俾我😍。我哋都來回咗2-3次俾返啲意見，我自己覺得改咁多次都唔好意思，但係佢哋都好有耐心咁幫我同埋都覆得好快👍，態度好好而且好helpful🥰。最後由買石開始計，一個月左右就攞到隻戒指，實物都同我預期中一樣，都好滿意💯！