我之前喺網上睇到其他人留言都幾正面，再加上身邊有朋友用過Fantasy Concept，佢哋都話好，所以我都幾有信心去揀佢哋🥳。 第一次同團隊接觸嘅印象都幾好，佢哋幾盡責又主動，尤其喺pre-wedding拍攝方面，同事都安排得好細心。佢哋會提前提醒我哋要準備啲乜，又會俾啲建議我哋，例如拍攝當日如果天氣好，團隊會提議轉一轉啲場景，話出嚟個效果會更加靚。呢啲細節我覺得好好，感覺佢哋係真心想幫我哋影到靚相。溝通方面我覺得整體都算足夠，雖然有時可能因為佢哋忙，覆得慢啲，但基本上都會覆同跟進🌟。攝影師同化妝師都幾了解我哋嘅期望，會根據我哋嘅諗法提出專業意見，感覺溝通係雙向嘅。拍攝當日，攝影師同化妝師都好專業，會教我哋點樣擺 pose、望邊個角度、喺咩光線底下會靚啲👍。老實講，我同另一半平時唔太鍾意影相，一開始都會有啲緊張，但攝影師會慢慢帶住我哋，令我哋放鬆啲。所以影到中途，我哋都覺得冇咁尷尬，反而開始 enjoy 個過程。 最後出嚟嘅相都幾滿意，效果比我原本想像中更好❣️。

喺成個拍攝過程入面，我最欣賞嘅係攝影師嘅態度同手法。成個拍攝氣氛都好輕鬆， 唔會令人覺得拘謹。我同另一半都唔係成日影相嘅人，一開始都幾緊張，但攝影師一路講笑、引導我哋點擺 pose🥰。佢會好細心咁留意光線同角度，又會提醒我哋邊個方向影得靚啲，成個過程都幾愉快。化妝師嘅表現我都好滿意。佢化妝快得嚟又唔會求其，每個造型都有唔同感覺。每次換衫佢都會幫我 set 個新髮型，咁就多啲變化。仲有佢好細心，例如有時啲裙太鬆或者怕走光，佢都會即刻提醒我😆，甚至幫我開個帳篷俾我整理下。不過我覺得佢哋嘅分工可以再清晰少少，同埋團隊可以整份文件，列出一啲常見問題同答案，因為好多時新人問嘅問題其實都係差唔多。但整體我覺得Fantasy Concept係一個有心、有責任感嘅團隊。因為 pre- wedding 有咁好嘅體驗，所以我 big day 都決定再搵返佢哋💕！

嗰陣時我哋打算去海外影pre wedding，覺得Fantasy Concpet嘅價錢啱心水，又聽到佢哋講解嘅過程，覺得都幾有經驗，所以就決定揀佢哋！同事解釋啲information好清楚，尤其係我哋對海外拍攝唔係好了解，佢哋都有提過去歐洲影婚紗相嘅最佳月份，話影出來嘅效果會係最好，團隊都好有經驗，知道點樣先影得靚，聽落真係俾咗我哋好有信心，所以我哋就揀咗Fantasy Concpet😆。但最後因為疫情嘅關係，我哋冇去到海外，改咗喺香港影 pre wedding。我哋揀咗喺南生圍、石澳同赤柱到影，因為我哋鍾意自然嘅景色。Fantasy Concpet嘅團隊都好尊重我哋嘅選擇，佢哋都話呢啲地方都係熱門地點，亦都影到靚相💖。影相嘅時候，團隊表現得好有耐性同體貼。尤其係我先生有啲身體狀況，唔可以做一啲高難度動作，行得太耐都唔得，佢哋一見到我哋攰之後會即時提議休息，唔會催我哋🥹。我原本以為影pre wedding會好緊張，好急，但結果完全冇呢啲感覺，仲好放鬆🥰！當然喺赤柱嗰到影嘅相唔夠多，因為天色暗咗，光線唔夠，所以影唔到好多好靚嘅相。同埋影相風格可以再自然啲，例如可以搵一啲道具，咁啲相會更加生動同自然。但最緊要係大家舒服，唔洗太過有壓力！🌟 

至於化妝同禮服方面，我都好滿意。Fantasy Concpet幫我揀嘅髮型同妝容都好啱我，之前我有俾過啲參考圖佢地，最後出到嚟嘅效果完全符合我嘅心意❤️。我記得我哋揀禮服嘅時候，喺女裝方面，真係有啲款式係唔錯，我哋仲可以試多幾件，試到啱為止。至於男裝，選擇相對少啲，但都幾好，最緊要係適合自己身型👍。 過程中，最令我開心嘅係Fantasy Concpet嘅態度，無論係拍攝、化妝定係試衫，團隊都好親切，令成個過程輕鬆又愉快。同事又好細心，呢啲細節真係好值得讚賞💯。另外，Fantasy Concpet拍攝嘅方式都幾特別，有航拍同埋唔同角度，影相嘅時候，團隊仲會教我哋點做啲自然啲嘅動作，效果都好出色✨。