我比較左好多公司，主要係覺得同佢哋傾得埋，佢又解答到我嘅疑問，考慮完覺得價錢啱，傾計嗰陣又舒服，所以就揀咗Fantasy Concept。我揀咗佢哋嘅Pre Wedding 同埋Big Day package。🤔我主要都係衡量返啲價錢，同埋見佢啲影相風格都幾好，影出嚟都係自然。我本身比較鍾意自然，唔洗太做作嘅style。

外景我揀咗赤柱，淺水灣，屯赤附近嗰個海邊，跟住仲去咗屯門嗰個草地。夜景就喺汀九橋嗰度影😆。影之前都有準備啲小道具，公仔、日期嗰啲繩、有名嘅花圈，同埋仙女棒🥳。佢哋都有問我主要想影嘅風格係乜嘢，我就send返嗰個風格為主嘅相俾佢哋， 同埋都有同佢哋講我大概想影咩嘢📸。

影相嗰日就係上佢哋公司化妝先，跟住換衫，之後就坐佢哋安排嘅車出去。我係去影樓影咗先，都有同化妝師傾吓耳環點樣襯，佢都好體貼💝。攝影師啊聰好Funny，都會教吓我哋擺pose同引下我哋笑。就算我哋唔係成日影相嘅人，嗰日都覺得輕鬆💖，都擺到嗰啲pose。嗰日我哋都有用到吹泡泡槍做效果，佢哋都有幫我哋噴啲泡泡出嚟，不過因為一開始揀嘅size比較細，噴出嚟嘅泡泡都好密集，好似一窩蜂嘅蚊滋仔咁樣🤣，影出嚟就有啲奇怪， 所以要等佢散開先影到。之後有一個同事真係捉到點樣噴得靚啲嘅竅門，所以成件事就再靚啲🥰。 同埋Fantasy Concept嘅同事噴嘅時候都有就返影相嘅時間，唔會一噴就即刻影，肯定啲泡泡出嚟先會影😆。揀相嗰陣發現啲相未執之前已經好靚，喺汀九附近影嘅夜景相都好靚，佢都有教我哋點樣拎嗰啲仙女棒，點樣會影得靚啲咁樣，因為自己都未玩過仙女棒🤣。嗰日整體都好滿意， 就算係公司同客人咁樣去相處都覺得好舒服同開心😚!

結婚之前都有做吓功課，我睇咗唔同商戶，雖然有啲好似平過Fantasy Concept，但係佢哋介紹得唔夠詳細，又講唔實個價錢，所以驚會有啲隱藏收費。最後覺得Fantasy Concept 價錢相宜， 介紹得比較清晰，就揀咗佢哋🥳。 同埋見到啲同事同我年紀相近，大家都比較啱傾，佢哋嗰種講笑都令我好快就融入到😆，令我覺得比較放鬆，同感覺到係真摯。其他公司嗰啲promote，唔算比我一種好真嘅感覺。 而且我覺得同攝影師、化妝師相處得都唔錯，個氣氛都係輕鬆，影相嗰陣應該會容易啲帶到我投入到個氣氛。同埋都聽過一啲朋友嘅經歷，我覺得攝影師可唔可以令新人投入去擺一啲pose先係最重要， 所以感覺Fantasy Concept比較適合我哋💗。 不過一開始揀呢間公司之前，都有上網睇吓佢哋嘅評語，但對比起其他公司，Fantasy Concept 宣傳方面比較少，唔算好多作品可以睇，所以都同另一半有少少擔心。 如果佢哋做多啲宣傳就更加好，係網上擺多啲相出嚟，令到更加多人可以認識Fantasy Concept。

雖然喺Fantasy Concept個網頁睇唔到會包婚紗，但係佢哋嘅同事sure會包埋婚紗，之後搵咗一日上去，真係見到好多款式嘅婚紗。 因為我哋有好多地方想去，都有同團隊溝通過，睇吓邊條路線最順暢。佢哋都會同我哋分析邊度冇咁好影，或者有啲咩係做唔到😙。攝影師啊聰同我嘅vibe比較接近😚，佢講嘅嘢令我哋覺得好放鬆。嗰日係啊聰嘅指導下， 我哋都覺得好容易咁完成咗 成件事。啊聰份人都好energetic同好玩得，係一個搞笑嘅人。我哋夜晚去咗尖沙咀鐘樓，喺呢一個人來人往，充滿遊客嘅地方，呀聰為咗快啲清空嗰個area，佢就扮貓叫扮狗叫，令人哋知道我哋做緊重要嘅嘢，我哋嗰下都忍唔住笑咗出嚟，之後啊聰就好快手咁即刻影相📸。我已經睇咗啲相， 雖然有啲位要執一執，我都有講返有邊啲位想執， 但整體都係唔錯😆。 

本身都聽過一啲唔好嘅公司會將食飯嗰啲時間計到好足， 或者會嗌多好多嘢食，又會拖耐啲咁食飯，令後面好緊湊。但團隊 冇咁樣做， 反而喺拍攝嘅過程都係廢寢忘餐，我本身都有預食飯，但係見到佢哋咁俾心機，我都唔係好敢問佢哋洗唔洗食飯。最後我哋去石澳影相換衫嗰陣，佢哋都有去買嘢食，我哋都覺得好欣慰，因為佢哋都忙咗成日，我哋都好感激佢哋好盡力咁服務我哋😆。