其實我同先生對比咗好多同類型嘅公司，見到Fantasy Concept嘅風格比較啱我。當時同事好仔細咁介紹唔同嘅package，價錢都好合理，又符合我心目中幾個要求，最重要係Fantasy Concept會將所有相同埋片嘅檔案交返曬俾新人。我睇佢哋display嘅相，覺得影得好好，完全滿足到我嘅要求🥳。 當時行完婚展一圈，覺得都係揀返 Fantasy Concept，所以就直接join咗Prewedding同Bigday嘅package🤗。落訂完之後，雖然佢哋就冇主動contact我哋，但我哋問佢哋問題，都覆得好快。

我記得當時係一位負責化妝嘅靚女同事serve我，佢態度好好，而且佢俾咗好多佢嘅作品sample相我哋睇，我都好鍾意佢化嘅妝容。佢仲話到時候我婚禮可以安排幫我化妝😂❤️。但Prewedding之前，我哋再去婚展就遇到佢，佢話到時冇辦法幫我化妝，因為屋企小朋友有急事需要照顧😭。當時其實我都好忐忑，因為妝容如果唔靚就會影響成個婚禮，但佢都好好，同我講公司安排咗另一位好有經驗嘅化妝師俾我👍🏻。

去到Prewedding當日，我哋揀咗去戶外拍攝📸，因為本身我好鍾意大自然。攝影團隊都好隨和，會問我哋意見，配合我哋嘅要求💯。當日佢哋團隊合作性都好高，好專業，佢哋都知大家會做啲咩，好有默契，全程都會guide住我哋去擺Pose。個攝影師仲都好Funny，令我哋笑，令我哋開心，放鬆啲去拍攝，我覺得呢點好貼心，唔會令到新人好尷尬❤️，同佢相處都唔錯。但收到prewedding嘅相，我覺得有少少落差，因為我事後先知，原來本相簿係，攝影師拎佢哋覺得最好嘅作品擺埋一齊，冇同我溝通過嘅，咁呢點我就覺得有少少失望，但其他我都覺得OK。

而Bigday當日係另team同事，呢位攝影師其實都好好，為人都好搞笑😂。佢哋團隊會提早到場setup好啲嘢，同我哋confirm好rundown嘅安排。佢哋好幫得手，會排返好老人家嘅排位，帶動氣氛，因為始終老人家唔太識擺pose，最後大家都好順利完成拍攝❤️。

我哋之前有比較過唔同嘅公司，發現Fantasy Concept無論係衣服風格定係拍攝構圖方面都係我比較欣賞🥰。Karen Fantasy 嘅Sales好熱情🔥，又冇hard sale，我都有小小俾佢打動咗😍。

佢哋攝影師阿聰好搞笑㗎，我同sales傾偈嘅時候，佢整啲鬼馬表情，令我覺得佢好funny嘅人😁，咁我諗阿聰幫我影相📸嘅時候，我應該都唔會太過緊張。而一切都如我所料🤣。拍攝嘅時候，阿聰會講好多唔同嘅笑話引我笑得自然啲😉，令我覺得影Pre Wedding嘅感覺好似係出去玩，唔需要有太大壓力🥰。不過有啲可惜嘅係我想影夜景，但係因為佢哋唔可以太晏收工，就冇影到好多張，如果佢哋可以彈性嘅工作時間，就更好啦。

而揀相嘅時候，佢哋冇話要Push我買多啲，做到晒我想要嘅嘢🥰。最後收到成品，我覺得CP值真係好高💯，呢個價錢可以收到呢個質素，冇嘢可以挑剔😆！