Fantasy Concept 至今已成立超過20年，為香港最早提供海外婚紗攝影公司。自成立至今，我們提供的服務擴展至更多範疇，更趨成熟及專業。 本地及海外婚紗攝影 提供專業化的本地及海外婚紗照拍攝服務，包括香港、澳門、亞洲及歐洲等全球不同地方，將最浪漫的畫面以相片方式為您們呈現出來。 婚禮日一條龍服務 婚禮日攝影攝錄、婚紗禮服租借、兄弟姊妹服裝訂製、婚禮儀式大妗姐服務、婚禮日租車服務。我們提供一條龍婚禮服務，為您們省卻更多時間精神。 我們的攝影團擁有豐富經驗，憑着專業的服務態度及高質素的攝影效果，20多年來均贏得新人們信賴及推薦。我們本著提供更專業的服務水平之外，多元化的服務項目，讓更讓您們在籌辦婚禮中多點享受。
AWARD
當時我嘅朋友曾經用過Fantasy Concept嘅服務，佢都讚Fantasy Concept影相技術好好，攝影師又親切。所以我就決定用Fantasy Concept。首先，我覺得Fantasy Concept 嘅攝影師真係好細心，佢哋唔單止幫我哋影相，仲負責製作相簿、排版、設計等等細節，佢哋都處理得非常好。而且當日嘅照片真係好靚，好出色，尤其係佢哋嘅航拍技術，令畫面更加豐富😍，同時啲長輩，尤其係我老爺奶奶，睇完啲相之後都好中意，大家都話啲相影得好有氣氛。我哋婚禮係喺圍村舉行，攝影師影到成條村都好靚，佢哋甚至用航拍技術去捕捉成條村嘅全景，呢啲角度係我同村入面嘅人都未曾見過，村民見到相片嘅時候都覺得好驚訝，感覺好震撼🤩。
攝影師仲捕捉到好多特別嘅瞬間，好似長輩點炮仗嘅一刻，個畫面真係好靚✨。當我哋將呢啲相同影片俾我哋嘅屋企人睇嘅時候，尤其係長輩，佢哋個個都好開心🌟。同Fantasy Concept 嘅攝影團隊溝通過程亦都好順利，Fantasy Concept所有嘢都跟得好貼，盡量去滿足我哋所有嘅要求。拍攝當日，佢哋兩位攝影師加上一位拍片嘅攝影師之間配合得好好，完全唔洗我哋擔心💯。 雖然我自己唔係好識笑，加上當日好緊張，但攝影師非常識得帶動氣氛，佢哋引導我擺出自然嘅表情，又不停變換角度，令我影出嚟嘅相片都好自然好靚，唔會顯得僵硬😚。最搞笑嘅係，我哋嗰日入村拜祠堂， 因為我先生嘅兄弟全部都係外國人，成條村嘅傳統中國式景象中竟然出現一大班外國人🤣，呢種傳統同西方文化mix埋一齊嘅場景俾攝影師捕捉得非常得意，同時又好有 feel，真係一個好特別嘅畫面💕。 我特別滿意嘅仲有佢哋嘅準時，攝影團隊當日早過我哋要求嘅時間到場 Stand by，雖然係 3 點半先正式開始，但係佢哋 3 點3 已經到場準備。呢個細節令我非常安心，睇得出佢哋係一個好有責任感、時間觀念強嘅團隊😙！
我哋行booth嘅時候認識到Fantasy Concept，主要係同佢哋同事傾計過程當中，感受到佢哋好真誠，又俾到我好多意見我哋，又會提醒我哋要做乜，講得非常仔細，令我都對Fantasy Concept有好大嘅信心。👍🏻 攝影師都有提前問我啲想影啲乜風格，有乜要求都可以提出，我同先生都比較隨和，就同攝影師講你覺得靚就影得嘅喇，相信佢嘅眼光。🤣 攝影師都好細心，會主動背熟我哋嘅rundown，再跟住我哋行，我哋一有啲想影嘅shot，佢就會ready好。影大合照嘅時候攝影師亦都會幫手排位，俾一啲簡單嘅指示老人家follow，同賓客相處上都好有禮貌，又好熱情，好多親戚朋友都話佢EQ好高，又好Pro。🥰
我本身有預埋攝影師一起食飯，佢都好驚訝，冇諗過我哋會預埋佢，不過就算食緊飯佢都好盡責，隨時準備好相機，新人休息，攝影師先會一齊休息。🤣 Fantasy Concept嘅化妝師都好好，早到之餘，又好快手咁幫我化好嗰妝，化完又唔會hea，反而會幫我去handle好多瑣碎嘢，幫輕我好多。我覺得化妝師都好有經驗，真係跟足我面型去幫我諗唔同風格嘅妝容，或者髮型去做配搭，又會問返我意見，非常尊重我。佢都有幫我媽媽化妝，啲假睫毛有啲吉眼，我媽媽唔係好敢提出嚟，以為係自己唔習慣，反而係化妝師自己見到媽媽對眼好似唔舒服主動去問佢，再幫佢調整返，勁貼心！我媽媽同我都好鐘意我哋嘅妝！Fantasy Concept 仲推介咗大妗姐俾我哋！Fantasy Concept 嘅每位同事都非常重視新人，唔會純粹喺到sell你，好開心可以搵到佢哋，相處上都非常舒服，好可靠！Fantasy Concept 嘅負責人 Fanny 都好好，因為我搵唔到啱嘅裙褂，Fanny都特登幫我重新訂製一套。條裙真係好靚，好Prefect， 出門嗰陣好多新人都一路望住我，就連長輩都話著得好大體，金線都縫製得好好。❤️