Fantasy Concept 至今已成立超過20年，為香港最早提供海外婚紗攝影公司。自成立至今，我們提供的服務擴展至更多範疇，更趨成熟及專業。 本地及海外婚紗攝影 提供專業化的本地及海外婚紗照拍攝服務，包括香港、澳門、亞洲及歐洲等全球不同地方，將最浪漫的畫面以相片方式為您們呈現出來。 婚禮日一條龍服務 婚禮日攝影攝錄、婚紗禮服租借、兄弟姊妹服裝訂製、婚禮儀式大妗姐服務、婚禮日租車服務。我們提供一條龍婚禮服務，為您們省卻更多時間精神。 我們的攝影團擁有豐富經驗，憑着專業的服務態度及高質素的攝影效果，20多年來均贏得新人們信賴及推薦。我們本著提供更專業的服務水平之外，多元化的服務項目，讓更讓您們在籌辦婚禮中多點享受。
AWARD
因為我哋想去土耳其影相，但唔係好多間公司去過，但係Fantasy Concept就有喺土耳其拍攝嘅經驗，又影得幾靚。Fantasy Concept嘅同事都好好，有啲咩問題都會答我哋，用佢哋嘅經驗嚟幫我哋😆。我哋最主要想影嘅係熱氣球，其他地方就係團隊幫我哋搵，如果我哋有想去嘅地方，佢哋都會帶我哋去，最後輯相出到嚟都好豐富👍。
我覺得攝影師表現好好，因為拍攝嗰日我唔舒服，但係佢哋都好有耐性。因為想影熱氣球，所以我哋都好早起身，攝影師好好，影完熱氣球就車我哋返酒店休息，之後先再繼續行程，真係好照顧我。因為我真係好唔舒服，但係Fantasy Concept擔心唔夠相，團隊都會等我休息夠先繼續影，所以最後輯相都有好多景點。 當時我又屙又嘔，真係影唔到相，團隊等我休息之後，再出去影相之後，又再帶返我返去休息，不停來回酒店同唔同嘅景點🥲。因為我哋好少兩個人一齊影相，所以都唔知擺咩pose好。攝影師都好幽默，會教我哋點樣擺pose，又會提我哋唔好駝背🤣。化妝師都幾專業，會知道點樣幫我化妝可以上鏡啲同埋突出啲輪廓。佢由凌晨一點已經開始化妝，直踩十幾個鐘，所以團隊都好辛苦🥹，但係Fantasy Concep為咗影多啲相，都冇準時收工。
最後輯相出到嚟真係好靚，化妝師仲特登準備咗啲新嘅頭飾同耳環俾我，個妝都化得好靚，完全睇唔出我個樣係病緊🥳。因為我哋平時都會影相同執下相，所以覺得光線同顏色嗰啲唔係好啱我哋，同我哋預期中有啲出入，所以第一次執完啲相我哋覺得唔係咁滿意，之後我哋都有寫返啲建議俾佢哋可以點樣執。
當時我嘅朋友曾經用過Fantasy Concept嘅服務，佢都讚Fantasy Concept影相技術好好，攝影師又親切。所以我就決定用Fantasy Concept。首先，我覺得Fantasy Concept 嘅攝影師真係好細心，佢哋唔單止幫我哋影相，仲負責製作相簿、排版、設計等等細節，佢哋都處理得非常好。而且當日嘅照片真係好靚，好出色，尤其係佢哋嘅航拍技術，令畫面更加豐富😍，同時啲長輩，尤其係我老爺奶奶，睇完啲相之後都好中意，大家都話啲相影得好有氣氛。我哋婚禮係喺圍村舉行，攝影師影到成條村都好靚，佢哋甚至用航拍技術去捕捉成條村嘅全景，呢啲角度係我同村入面嘅人都未曾見過，村民見到相片嘅時候都覺得好驚訝，感覺好震撼🤩。
攝影師仲捕捉到好多特別嘅瞬間，好似長輩點炮仗嘅一刻，個畫面真係好靚✨。當我哋將呢啲相同影片俾我哋嘅屋企人睇嘅時候，尤其係長輩，佢哋個個都好開心🌟。同Fantasy Concept 嘅攝影團隊溝通過程亦都好順利，Fantasy Concept所有嘢都跟得好貼，盡量去滿足我哋所有嘅要求。拍攝當日，佢哋兩位攝影師加上一位拍片嘅攝影師之間配合得好好，完全唔洗我哋擔心💯。 雖然我自己唔係好識笑，加上當日好緊張，但攝影師非常識得帶動氣氛，佢哋引導我擺出自然嘅表情，又不停變換角度，令我影出嚟嘅相片都好自然好靚，唔會顯得僵硬😚。最搞笑嘅係，我哋嗰日入村拜祠堂， 因為我先生嘅兄弟全部都係外國人，成條村嘅傳統中國式景象中竟然出現一大班外國人🤣，呢種傳統同西方文化mix埋一齊嘅場景俾攝影師捕捉得非常得意，同時又好有 feel，真係一個好特別嘅畫面💕。 我特別滿意嘅仲有佢哋嘅準時，攝影團隊當日早過我哋要求嘅時間到場 Stand by，雖然係 3 點半先正式開始，但係佢哋 3 點3 已經到場準備。呢個細節令我非常安心，睇得出佢哋係一個好有責任感、時間觀念強嘅團隊😙！