Fantasy Concept 至今已成立超過20年，為香港最早提供海外婚紗攝影公司。自成立至今，我們提供的服務擴展至更多範疇，更趨成熟及專業。 本地及海外婚紗攝影 提供專業化的本地及海外婚紗照拍攝服務，包括香港、澳門、亞洲及歐洲等全球不同地方，將最浪漫的畫面以相片方式為您們呈現出來。 婚禮日一條龍服務 婚禮日攝影攝錄、婚紗禮服租借、兄弟姊妹服裝訂製、婚禮儀式大妗姐服務、婚禮日租車服務。我們提供一條龍婚禮服務，為您們省卻更多時間精神。 我們的攝影團擁有豐富經驗，憑着專業的服務態度及高質素的攝影效果，20多年來均贏得新人們信賴及推薦。我們本著提供更專業的服務水平之外，多元化的服務項目，讓更讓您們在籌辦婚禮中多點享受。
AWARD
我哋都有睇過其他公司，而我會揀Fantasy Concept係因為佢哋影出嚟啲相都幾好睇，價錢又實惠，package包含嘅service又好足，cp值好高，咁同佢哋同事傾完一輪都覺得唔錯，好詳細，我哋就俾錢落訂影Bigday嘅package。如果我哋有問啲問題，同事都會覆我哋，不過可能比較忙嘅關係，會覆得慢啲。我哋原先就想搵租衫公司，因為我奶奶，屋企嘅長輩同埋我哋都要租，咁啱Fantasy Concept都有租衫service，我就直接喺到一次過租曬，好方便，慳返我好多時間，之後我都有join埋Fantasy Concept影pre-wedding嘅配套。💘
Fantasy Concept 衫嘅選擇唔算好多，之不過勝在會有同事喺隔離幫手揀，主動俾啲建議我哋，好積極幫我哋揀到啱身型嘅款式。試衫環境其實都ok，裝修比較簡單，但係空間足夠，最重要係好整齊，過程都冇催我哋試快啲。👍🏻 我哋 Pre-wedding就total去咗三個景點，都係攝影師推薦。佢哋都有做足準備，用ipad俾我哋睇啲影過嘅作品，所以好快我哋都已經揀定啲地方，路線同景點先後次序佢哋都會幫我哋安排好曬。影相前，攝影師都會問我哋有冇咩喜好或者特定風格，我淨係要求自然，真實。拍攝嗰陣，攝影師都會搞吓嗰氣氛，俾一啲指引我哋follow，同我哋傾吓計，影完都唔會覺得好辛苦，反而好輕鬆。
攝影師好專業，影相好快手，都盡量幫我哋影多啲靚相。我哋都覺得啲景點好靚，好有特色，又有人guide住我哋應該要點做同埋示範啲pose教我哋擺，覺得佢哋好貼心🥰。 Bigday當日嘅團隊都好有經驗，好識搞氣氛，引我哋笑，幫我哋排位影大合照，全部嘢都好smooth。同事會不斷影好多唔同嘅shot，唔會hea做💯。我哋Pre-wedding輯相已經收到曬，開頭第一次我收到嗰陣，啲相p得好勁，我都即刻同同事講返，佢哋都好用心聆聽我嘅意見，再幫我執過。執完我都好滿意，比較自然，除咗呢方面，其他嘢我都好ok，做事有效率，好願意配合我嘅諗法，盡量滿足我。
我最滿意係Fantasy Concept嘅化妝師，佢技巧好好😚，化得好靚，啲底妝又好貼，基本上換每個妝都好襯每個造型，補妝整頭都唔錯，好細心咁幫我執好妝容上嘅每一個細節。團隊都好fit，對新人好上心，又好易相處！😍
我哋本身就想去歐洲影 Pre-wedding，所以就focus喺有去過海外嘅攝影公司，其實有嘅選擇都唔多，當時因為啱啱完咗疫情，所以好多公司展示嘅portfolio都係大約兩年前嘅，望落啲相嘅風格顯得有少少老氣 。無意間就見到Fantasy Concept嘅相好靚，最主要係佢哋除咗有好多海外拍攝嘅經驗之外，價錢都好合理，優惠又好多，會送好多嘢。🤣 其實未決定嗰陣，Fantasy Concept嘅同事態度都好好，冇hardsell我，唔會特别push我一定要用佢哋嘅plan。我都有上網睇咗佢哋啲相，都覺得Fantasy嘅風格都幾啱我哋，同埋佢哋啲婚紗設計唔會好老套。當時Fantasy Concept嘅化妝師都有俾我睇一啲佢以往化過嘅妝容，我都好中意，所以對佢哋同事都比較有信心❤️。
同事之後會再message我哋，同我哋講解多一次我哋揀嘅plan係已經包括邊啲service，同埋邊啲service係冇包，例如安排司機係需要自己額外付費，明碼實價俾新人了解清楚，唔會去到後期先話俾新人知，覺得佢哋比較老實。我覺得 Fantasy Concept嘅職員普遍都比較後生，所以溝通上比較容易get到大家講咩，，而且同事解釋啲條款都好詳細，又好快可以覆到我哋。衫方面我就用Fantasy Concept嘅婚紗，我本身大概160，我先生就比較高，所以我就想搵件修飾腰型嘅婚紗。咁我上到去揀嗰陣，都會有同事幫我，又會俾我好多好中肯嘅意見。我都比較注重細節位，後尾我試咗成3粒鐘，同事都冇趕我走，反而係任我試，最緊要我啱，呢點令我好覺得好驚喜🥹，冇諗到連時間上都唔會限制新人，好為新人考慮。其中有兩件我都有啲三心兩意，我仲特登返去試多一次。
至於拍攝景點我哋可以自由選擇嘅，呢方面我哋就交俾專業嘅攝影師去話事，因為我哋都唔太熟。 路線同時間都係攝影師安排好曬所有嘢，我帶個人去就得啦！😙同事好細心，會book返近我哋嘅酒店方便大家。我都提前有同攝影師夾好我想要啲乜feel同埋想有啲特定嘅style，所以攝影師都帶我哋去咗好多個唔同嘅景點拍攝，唔會求其hea我哋，帶我哋去2，3個地方就算數，反而好願意花心思幫我哋搵好多靚嘅地方。我哋嗰攝影師就肥嘟嘟嘅，所以影相嗰陣，攝影師都超搞笑，做好多動作，講好多笑話，成個氣氛都好感染到我哋，好快我哋都投入到拍攝，唔會覺得尷尬。攝影師都好盡量俾好多指引教我哋擺pose，最特别嘅係佢唔會教你哋擺啲好死板好生硬嘅pose，反而係叫我哋好似平時咁傾吓計，拖手仔，或者先生可以拎起我件裙尾，好多好有趣嘅畫面！
我哋有一晚嘅拍攝就overun咗，我就覺得好可惜，因為我想去影凱旋門同埋巴黎鐵塔嘅夜景，攝影師都好好，即刻帶我哋去影，影完返到酒店都已經成12點左右，一啲都冇話介意我哋影到咁晏，反而好盡力幫我哋影好多相，希望影到我哋覺得滿意為止，完全100%配合我哋。💯 好快我哋都收到相，我哋total都影咗400-500張，張張都好靚。但係我哋嘅plan就要揀40張擺喺本相簿，我哋揀咗好耐先揀好。基本上40張都係唔同背景，風格全部都唔同，視覺效果非常豐富。所有相嘅角度都捕捉得好好，攝影師嘅技術都好好，我同先生非常中意。🥰
我都想特别多謝Fantasy Concept嘅同事，因為當時我哋喺巴黎到去埋旅行，所以婚紗我哋就用咗比較穩陣嘅郵寄公司，郵寄件婚紗返嚟，心諗公司比較有信譽可以放心，點知途中嗰邊出咗啲意外🥲，搞咗好耐先可以重新安排郵寄。我返到香港都已經過咗差唔多20日，件婚紗都未到。Fantasy Concept嘅同事好好，因為我好驚影響到其他book咗同款婚紗嘅新人，佢哋都一直話無所謂，慢慢嚟啦，又冇罰我遲退還嘅費用，我都好抱歉，好多謝佢哋嘅包容！❤️
