決定揀MC Billy之前，我哋都有喺WhatsApp度傾過兩句，我覺得我哋都夾到，而且佢態度又好好💯，平時回覆我嘅訊息都好快，就算係夜晚問佢嘢，佢都好快就回覆，好有效率👍🏻。加上價錢合理，又見到有好多新人對佢都讚好，所以我過咗兩三日就已經決定揀MC Billy😆。喺Big day前我哋都有約出嚟見過面，傾下rundown。我本身對rundown都一頭霧水，所以帶出去同MC Billy傾，佢都比到好多意見我哋👍🏻。佢會同我哋講吓唔同環節嘅時間應該點樣控制，同埋佢都想了解吓我哋相識嘅經過，幫我哋諗一個開場白🤩。

MC Billy唔係個種好搞笑嘅風格，而係俾人一種好穩陣嘅感覺，唔會好浮誇😄。婚禮當日，我覺得佢講嘢咬字清晰，同埋佢control嘅能力真係好勁，尤其可以控制到我老爺奶奶😂。加上當時防疫措施開放咗，我哋都請得比較多人，多人就容易混亂，特別喺影相環節，所以佢都會幫手提醒賓客唔好一次影咁耐，又會同親戚朋友解釋影相嘅細節安排，幫助我哋管理時間🥰。其實我哋嗰日影相嘅時間都好不足，MC Billy都有喺我哋敬酒嘅環節，提我哋可以補影多啲相🤗。婚禮之後，我啲朋友都同我講，覺得MC Billy係一個應變能力幾強嘅人，除咗可以control好時間，佢都會主動問好多嘢，例如佢會主動同攝影師哥哥夾，真係幫我哋解決咗好多問題。仲有，原來佢私底下仲幫我哋影相，隔兩日佢就send咗一段佢整嘅俾我哋，我完全冇expect過佢會做呢樣嘢，真係好surprise🥰！

雖然我哋係搞一個小型婚禮，但MC Billy都好盡力👍🏻，不論婚禮規模大小都好樂意幫我哋，所有嘢都搞得好好🤩。MC Billy係我表姐推薦，咁啱佢係我表姐嘅同學。其實我都冇咩上網睇過評價，只係睇過佢啲相就揀咗佢🤣。之後，我哋多數喺WhatsApp溝通，有次Zoom嗰陣見佢都覺得佢幾靚仔，談吐都OK，所以對佢有信心🤗。

MC Billy俾咗好多資料我哋參考😃，佢又好熱心咁解答我哋嘅問題，仲會推薦化妝師、Decor公司俾我哋，又會同我哋講清楚要準備好啲咩。佢只係收我哋MC嘅價錢，但係做埋Wedding planner嘅工作👍🏻，真係好似朋友咁，完全唔計較，好幫得手😊。之後，我哋係婚禮之前見過一次，一齊商量吓仲有啲咩要處理。

Big day嗰日，MC Billy處事都好淡定，令我無後顧之憂💯。我做新郎哥有好多嘢要搞，走來走去，但係佢會叫我哋放心交個場俾佢去搞。佢又會自己會同律師溝通，令我覺得少咗好多負擔，可以enjoy婚禮🥳。另外影相嗰度，我交晒俾MC Billy處理，佢做得好好，會叫啲人出定嚟預備等影相，令到成個流程十分順暢，唔會delay，Timing上安排得好好👏🏻。

同埋我想講，佢嘅談吐真係好啱我心水，表現穩定，唔會怯場，如果搵朋友做MC應該做唔到呢個效果😆。佢仲好帶動到氣氛，用詞有新意得來又穩陣，唔會好誇張😀，我哋嘅親戚朋友都覺得佢好幫到手，表現穩定，完全唔會有負面評價🎉！