Monica Wedding吸引我嘅地方係佢哋影相嘅風格同剪接實力。我之前睇過佢哋嘅作品，覺得成個畫面好靚，節奏同感覺都幾吸引人。另外，Joey好識帶動新人，會引導我哋擺啲比較特別嘅 pose，令作品唔會太公式化，呢點我都幾欣賞🥰。溝通方面，我覺得同Monica Wedding團隊好夾，大家性格幾似，傾偈好舒服。如果我哋有意見，佢哋都願意聽同接受，完全唔會有壓力，成個溝通過程都好順暢😚。我哋揀咗 2P1V 嘅 package。拍攝之前，其實我哋都冇乜特別要求，基本上都好放心交俾佢哋發揮，只要跟住佢哋嘅指示去做就得。因為之前我細妹都係搵Monica Wedding，所以我哋對佢哋嘅做事方式同風格都幾有信心。我都有先俾rundown團隊睇，之後大家再一齊夾，當日主要係兩位攝影師合作，互相補位，感覺團隊都好有經驗，做嘢都好有默契💕。Big Day 當日，我最深刻嘅係佢哋俾到好多情緒價值，例如我準備咗一個氣球花束，Joey 會即刻讚話好靚，令我覺得自己冇揀錯，真係揀得好好，同時心情都放鬆咗。拍攝氣氛好輕鬆，一啲都唔尷尬，好似同朋友一齊影相咁，完全唔會覺得拘謹。團隊之間配合得好好。我都好滿意佢哋嘅早拍晚播，朝頭早發生嘅事，夜晚就可以即刻再睇返，真係好感動，睇完條片我哋都有少少眼濕濕🥹。畫面、情緒同剪接都處理得好好，令成個回憶更加深刻。我覺得Monica Wedding只要保持返自己嘅風格同做法就已經好好，我真係覺得好滿意，亦都好期待之後收到正式嘅相，相信都會同樣滿意🤩！

當時其實都有睇過其他婚紗鋪頭，但係我一去到Monica Wedding，覺得呢到啲婚紗款式好靚同埋多樣化，俾我好多選擇。因為我 Big Day 需要兩條婚紗，我本身係有啲挑剔，但係去到Monica Wedding，我已經好快揀到第一條，當時就知道喺呢到會搵到第二條😆。 最終我喺 Monica Wedding 租咗兩件婚紗、一件晚裝、媽咪衫、一件褂同埋馬褂。佢哋嘅婚紗選擇真係好多，我去咗幾間睇都冇咁多，款式由歐美風到韓式都有。我自己本身鍾意啲歐美風lace款， 但最後揀咗韓式嘅款，覺得Monica Wedding真係有好多選擇。 本身淨係諗住租兩件婚紗， 但後尾睇中埋晚裝、媽咪衫、褂同埋馬褂✨。 只要我哋將個要求同同事講，佢哋就會好快搵曬啱我哋嘅款出嚟，同埋同事真係好有耐性💯。

Monica Wedding嘅馬褂選擇真係多，唔止傳統嘅黑紅色，仲有啲特別嘅款式。我先生最後揀咗一套金色同紅色配搭嘅褂，同埋佢哋嘅刺繡係立體，唔係平面嘅刺繡，真係好好睇🤩。雖然係傳統設計，但配色特別，感覺好唔同。之前去其他鋪頭睇，馬褂選擇真係好少。Monica Wedding褂方面又有褂皇，褂后，大小五福，真係好多選擇🥹。我本身唔鍾意著紅裙， 同同事講嘅時候，佢哋竟然冇hard Sell我， 叫我租多一條咁樣，所以我覺得上去試衫冇乜壓力👍。我就搵到條我好中意嘅魚尾裙，嗰條裙喺 Big Day 著出嚟，真係好多賓客都讚好靚。佢哋嘅媽咪衫款式都唔老土，仲顯得好高貴，我媽咪著出嚟都俾人讚。而且婚紗仲有好多配飾同頭紗俾我哋去選擇，有閃片、珍珠嘅頭紗應有盡有，真係好特別💖。