當時我哋其實都有考慮其他公司，都有比較下，但最後揀咗Monica Wedding，因為去試衫嘅時候，同事嘅態度幾好，服務非常有禮貌，又幫到手，我哋都覺得幾好💯。加上婚紗款式同質素都唔錯，所以決定揀Monica Wedding✨。

溝通上，無論係同同事傾款式定係試衫，Monica Wedding嘅服務態度都相當專業，感覺佢哋好細心，會留意我哋鍾意嘅cutting同風格，再推薦一啲適合嘅款俾我哋💖。佢哋又會主動俾啲建議我哋，令我哋揀衫變得容易咗好多🌟。婚紗款式方面，女士婚紗嘅選擇算多，款式新淨，質素幾好🤪。而男士嘅選擇就比較少，選擇多啲會再好啲👍。

空間方面，每次去試衫，地方都好足夠，唔會出現太多人一齊試衫嘅情況，令我哋唔會覺得逼或者擔心試唔到心水款式。仲有一樣值得讚賞嘅係Monica Wedding對細節嘅關注，佢哋唔單止會推薦婚紗款式，仲會提議配搭咩首飾、耳環等，呢啲細節位真係幫到我哋手✨！還衫同交收程序都好順利，冇出現任何混亂或者麻煩嘅情況，全部安排得非常仔細。唯一少少改善空間就係化妝師嘅主動性。我哋影外景時天氣幾熱同曬，但化妝師冇貼身跟住我哋，導致溶咗妝冇及時補妝。如果化妝師當時可以主動啲，成個過程會更加完美。不過整體化妝效果唔差，只係喺呢方面可以加強下。 

我係喺朋友介紹之下認識到 Monica Wedding，其實之前都有去過其他公司了解返啲package，不過我就比較鍾意 Monica 嘅service，佢哋係完全一對一serve對新人，而且package上都唔會有過多嘅限制，非常適合新人。🥰 同事都非常友善，好helpful，會幫我搵好多靚款，又會俾啲suggestion我，好多款式嘅小設計佢哋都會好用心咁介紹。Monica Wedding 嘅款式真係超多選擇，不過佢哋唔會有限制，可以慢慢試到滿意為止，我最後都揀到條好有特色嘅蕾絲款❤️ !

最令我印象深刻嘅係我影pre-wedding前一個禮拜我先通知Monica Wedding嘅職員，我想book條裙，同事都好趕緊咁幫我清潔好再俾我攞上機，非常盡力去配合返我哋。🥹 Monica Wedding仲幫手襯好啲首飾同頭飾俾我帶去歐洲一齊影，而且唔會有額外收費，我覺得呢點勁sweet，服務好周到。基本上呢個價錢嘅配套，冇任何嘢可以挑剔，性價比好高，同事又非常真誠去服務新人，我同啲同事都好啱傾，有好多計傾！