我喺網上認識到 Monica Wedding呢間公司，其實我都有同其他公司比較過先揀，不過 Monica Wedding嘅價錢比較實惠，好吸引我，所以就直接揀咗佢哋😚。同事嘅態度好好，會事先安排好所有嘢，約實好啲時間再通知我哋。👍🏻 基本上我哋次次上去門市，都係一對一，唔會撞其他新人嘅時間，要等好耐咁樣，我覺得安排呢方面做得幾好。💯

Monica Wedding嘅衫選擇都幾多，每個design都有幾個唔同款可以睇，可以做吓對比😙。同事都好熱情，會主動拎啲款式俾太太試吓，又會俾太太一啲意見參考，做嘢一啲都唔會hea，非常有耐性。 由於疫情關係，我哋前後都改過幾次期，期間一有新款嘅話，同事都會通知我哋。如果我哋有興趣就可以上去試，如果覺得啱心水，同事就會幫我哋hold住先！❤️ 其實佢哋都一直keep住有入新貨，而且新人想額外加嘢落衫都唔會收費好高，我太太加個大裙擺都唔洗1千蚊，超值🤣。 

我哋最後就租咗8套衫，一個package包曬，可以任搭，所以我岳母，媽媽，太太同我都一次過喺 Monica Wedding租曬。成個package都唔超過一萬蚊，抵到爛🤣！ Monica Wedding嘅衫都包埋改衫，我哋去到final fit嗰陣發現啲衫有啲唔啱，師傅都即場幫我哋改，著到新人覺得啱身，舒服，滿意為止，非常重視新人嘅諗法！我同太太一致都好滿意同事Joey嘅service，非常周到，覆得又快，好細心。試衫嗰陣，Joey喺太太隔離俾咗好多提議佢，又會特登搵啲特别款出嚟俾我哋睇。🥰