香港諾富特世紀酒店位於灣仔中心地帶，交通便利，距離灣仔地鐵站5分鐘步程。走進開揚的諾富特世紀大堂，配合酒店氣派的玻璃雲石長樓梯，是新人留下甜蜜瞬間的最佳拍攝位置。世紀宴會廳近年全新登場，備有嶄新影音設備，樓頂LED螢幕覆蓋全場，可播放特定環境效果，場地周邊設有5幅多功能LED幕牆，打造專屬的電子背景，令影像可清晰呈現於每位賓客。場地總面積達3,778平方呎，可延開24席，亦可靈活劃分8至12席，同時我們亦配備多款中式及西式菜單，精緻奪目，吉祥精巧，因為我們明白令人垂涎的婚宴菜餚能令您的大日子更上一層樓。
AWARD
我哋覺得Novotel Century嘅場地靚，加上啱我哋budget，所以揀咗佢哋。Novotel Century嘅同事都幾nice😆，場地方面，佢哋嘅裝修係fancy同好新淨，完全冇舊式或者污糟嘅感覺，所以我哋都幾鍾意😚。燈光同音響嘅setting，場地嘅大細都啱啱好，唔會覺得太空或者太迫。Big Day之前佢哋都有set好曬燈光嗰啲嘅設備，感覺Novotel Century都幾細心🌟。
喺Big Day前，佢哋都有開會同我哋傾吓個rundown，當日仲安排咗同事一直幫我哋手，全程都好順利。我哋到場地嘅時候，經理又將啲同事集合一齊去講返分工嘅細節，同埋我哋有啲咩要注意，呢一方面都幾體貼，啲嘢都好清晰，我哋又唔洗擔心🥰。Novotel Century仲會教我哋march in要點樣行，令我哋大概想像到到時要點樣進行👍。音響方面，佢哋嘅同事好專業，俾咗好多建議我哋，例如喺揀歌同點樣安排呢兩方面，令我哋喺揀歌方面都變得容易啲✨。嘢食方面，雖然我哋冇得試菜，但我哋都有問吓同事，過往嘅新人覺得嘢食嘅質素係點樣，當晚大家都話幾好味😆。
我哋就覺得Novotel Century有啲地方可以改善，首先係泊車安排，合約有清楚列明免費泊車嘅時段，但朝早接新娘嘅時間係冇包括喺入面。雖然最後佢哋冇收費，但如果一開始就寫清楚，會更加理想👍，咁樣就唔洗浪費時間去處理呢啲細節。第二，喺成個過程當中，負責嘅同事轉咗兩次，每次新接手嘅同事都要同我哋重新溝通，解釋返之前嘅安排，令我哋花咗啲時間係溝通上面，如果內部交接可以做得好啲，就會更加好🙏🏻。