喺Christina Rossi BR Wedding 到可以一次過搞掂租衫同化妝，唔需要分開搵幾間公司，對我哋嚟講方便好多🤩。第一次同團隊接觸嘅印象幾好，同事好願意幫手。去試衫嘅時候，Christina Rossi BR Wedding 唔會好似其他公司咁限制只可以試幾件，佢哋完全冇set limit，仲會因應我嘅身形同風格，主動介紹合適嘅裙款。始終之前未著過婚紗，自己都唔知咩款式最啱，所以同事嘅建議都幾重要👍。喺試衫過程入面，我差唔多試咗二十條以上先揀到心水。款式方面，我覺得Christina Rossi BR Wedding 嘅選擇都好多，有時屋企人都會唔知由邊到睇起。我自己試咗咁多次，都會有少少唔好意思，但同事完全唔會催我，態度都好有耐心，令我覺得幾舒服😜。成個過程入面，最令我印象深刻嘅係Christina Rossi BR Wedding 嘅團隊真係好守時同細心。喺 big day 嗰日，本身個 rundown 都比較趕，但係同事安排得好好。好似迎賓嘅時候，有啲朋友只係嚟觀禮，唔係嚟食飯，佢哋都會細心留意到❣️。再加上化妝師同助手真係好幫得手，竟然可以幫我換到五條裙，仲要每套都有唔同造型。好多朋友都話好驚訝，因為平時夜晚擺酒先換到咁多套，但我午宴都可以做到，仲影埋外景，效率真係好高❤️。

同埋我之前都同化妝師溝通過，希望轉妝時間控制喺三、四十分鐘之內，唔想浪費太多時間。Christina Rossi BR Wedding 真係跟到我嘅要求，令我可以有多啲時間同親戚朋友交流，所以我好感激佢哋嘅安排🤪。化妝方面，我本身唔係成日化妝，所以都有啲擔心，但當日效果我自己好滿意。朋友都話我好靚，特別係紅裙嗰個造型，好多人都話似明星🤣。我覺得妝容唔會老土，反而都幾young。之前我都有 send 過啲 reference 俾化妝師，佢哋都 pick up 到我想要嘅風格，效果自然又適合我自己☺️。 如果團隊人手可以多啲就更加好。因為見到大家都好俾心機，但同一時間要應付幾對新人，感覺佢哋幾忙。如果人手多啲，佢哋就可以輕鬆啲🥳！

我最初係透過朋友介紹去認識Christina Rossi BR Wedding，當時都有睇過其他公司，但最後揀咗佢哋，主要原因係同同事傾嘅時候感覺幾可靠，加上價錢都算合理，做過比較之後覺得佢哋係啱心水嘅選擇❤️。同Christina Rossi BR Wedding團隊溝通嘅過程入面，我印象最深嘅就係佢哋回覆速度好快。因為我自己平時都係比較忙，有時夜晚好晏先至有時間問問題，甚至十二點、一點先搵佢哋，佢哋都可以好快回覆我。就算臨時想改啲安排，Christina Rossi BR Wedding都會盡力幫我調整😝。態度一直都好好，從來冇令我覺得自己好麻煩，呢點真係幾窩心。我用嘅服務都算係一條龍，包括婚紗、西裝、父母同奶奶嘅衫、兄弟姊妹服裝，加埋化妝師😙。化妝師方面我都有試妝，溝通都好順利，我提出意見之後，化妝師會即時作調整，最後效果大家都滿意🤪。

我最欣賞Christina Rossi BR Wedding嘅其中一點就係夠彈性。佢哋成日會出新款婚紗，如果我見到有啱心水嘅，可以再 book 時間上去試，甚至轉款😆。佢哋亦會根據我嘅風格俾啲建議我，呢點好貼心。始終婚紗係好個人化嘅嘢，可以慢慢試到真係鍾意嗰件，真係好好。佢哋之後開始放新款上網，我就覺得方便好多，可以先揀定心水款，再上去試，成個體驗輕鬆好多💕。最後我揀中嘅幾件婚紗，都係新返嚟嘅款。試衫方面，空間雖然唔算大，但通常同一時間只有一兩個家庭同場。換好衫之後，要行出試身區睇，所以位置就偏細少少。最後我自己租咗四套裙，先生一套西裝，加埋爸媽、奶奶同兄弟姊妹啲衫，大概 16、17 件😝。長輩方面，媽媽都揀到啱心水嘅衫；奶奶因為身型豐滿少少，選擇就比較窄。男士西裝款式比較 basic，但新郎嗰套會特別啲。不過勝在一間舖搞掂大部分需要，方便好多，唔洗我哋周圍走。最後拎衫嗰陣，同事用行李箱幫我哋打包好，呢點幾貼心🥳。我覺得如果可以早啲將啲款放上網，無論係兄弟姊妹衫定婚紗，大家睇款會輕鬆好多😋。另外，如果姊妹衫可以俾客人摸下質地，就更加好🤣！