喺睇過嘅幾間婚戒公司之中，我覺得I-PRIMO比較關心客人需要。

我記得當我行入九龍灣分店嘅時候，佢哋同事介紹咗好多款式俾我，所有嘅戒指、鑽石質素都非常之好，綜合埋佢哋同事比我嘅意見，講解下材質嘅內容同埋價錢方面，我覺得佢哋嘅性價比係高嘅。

傾談嘅過程當中，佢哋職員都會分享好多心得俾我，就連點求婚、女仔想收到啲咩、睇到啲咩都會有比較獨到嘅意見，甚至乎超出佢哋服務範圍，例如會介紹佈置公司嘅公司俾我。

所以我覺得佢哋公司真係唔錯㗎，而且佢哋嘅效率都好高，訂製戒指一個月左右就可以攞啦。

我聽過唔少關於I-PRIMO嘅正面評價，身邊朋友都親身買過，話係有質素保證嘅。我都覺得佢哋婚戒嘅款式好啱女仔心水，都target咗係佢哋㗎啦。 舖頭環境好舒適，唔會迫迫夾夾嘅感覺。喺環境方面另一個比較出色嘅地方係佢哋嘅私隱度會頗高，其他珠寶公司嘅座位都係open area，揀嘅過程就相對冇咁舒服，會比隔離左右聽到你嘅一啲要求，有少少尷尬咁。

但係I-PRIMO私隱度就比較高，客人相隔得好遠，心理上會舒服啲。 當日好快有同事嚟招呼我，同事嘅裝扮都好得體，談吐好大方。我喺舖頭逗留左差唔多兩個鐘，務求睇得仔細啲嘛。一開始係想搵啲流線型嘅戒指，而顏色方面我個人偏向金色。知道咗我嘅要求之後，佢哋職員Janet再額外介紹其他戒指俾我。最後我反而係揀咗佢推介俾我嘅戒指添。嗰隻戒指有咩特別呢，相對一般嘅金色，佢係一種叫膚金色嘅顏色嚟嘅，好特別，比較適合我哋。戒指可以加鑽石，Janet都有好詳細咁同我哋講解戒指嘅quality，但係外行人用肉眼睇就唔係好分得清級數，只係覺得好靚。不過佢哋都有用鏡仔俾我逐粒逐粒鑽石睇吓，所有嘢都係好公開嘅。

Janet對產品有非常豐富嘅認識同了解，亦都好清楚知道客人嘅要求，再逐一進行介紹，會比好大嘅空間客人，佢嘅角色只係幫我哋平衡篩選每隻戒指嘅好處優劣，但係決定嘅都係我哋自己，所以揀出嚟嘅戒指係非常之啱心水。我真係好鍾意佢推介俾我哋嘅膚金色戒指，如果可以應用喺多啲款式就更加好啦。佢哋嘅售後服務包括維修、改戒指圈等等，一年內有免費。

我覺得以日本品牌來講佢哋嘅質素同精緻度都好唔錯，價錢方面亦都係令人接受嘅，而且款式非常特別唔怕會同人撞。所以想要服務好性價比高嘅珠寶公司，相信I-PRIMO就係你嘅選擇啦！