我鐘意佢地個場，加上係灣仔方便，走果陣唔會好辛苦，所以就揀佢地。其實我係網上搵，同埋識入面嘅人，所以拎左個好優惠嘅價錢。 之前溝通嘅sales係Esther，但去到banquet嘅就係Milky。Esther好妥當咁完成我地交帶嘅野，但係Milky個response好慢，亦唔太helpful，無論係floor plan定其他file都交得好慢，慢過Esther好多。 On day個arrangement幾好，上菜果啲都好流暢，十一點幾已經食哂野，但個過程唔會好趕。賓客個個都話啲野食好好食，就算係食慣靚野嘅醫生朋友都話好食，我自己就覺得好食過四季。我有食乳豬、翅、焗螺同鮑片，都好好味，個焗螺仲要拎過獎，焗哂俾咁多枱其實已經好勁！ 因為我開哂成層，所以有兩間新娘房，俾左一間奶奶同姊妹。個場對住個海，所以成個景超靚！不過我地唔可以派人入去處理啲影音器材，入面個位亦都好細。最surprise係播野果陣，其實只不過係好簡單嘅左右㩒掣嘅powerpoint，但個IT都處理唔掂，令成個氣氛破壞哂。聲方面有少少細，而且因為個場係長形，所以唔清楚後面睇唔睇到，不過兩邊有好多電視。 完左之後佢地俾左間有270度海景嘅房我，超正！美中不足嘅係本身有提供late supper，話會幫我包好一袋袋，但佢又冇同我講係邊袋，我過左兩日先發現有袋鮑片係到...