Deca Café係朋友係婚展到發現嘅，話覺得個package 幾好。婚宴佈置我本來諗住整假草場，但係我擺酒嗰場就整唔到，所以決定做拉布。我見Deca Café 嘅拉布做得幾好，價錢又OK，所以最後揀咗佢。 不過婚宴當日啲decoration唔係好穩陣。擺酒嗰日拉布附近有個燈槽，可能啲賓客上去影相嘅時候撞到，燈槽上面個花樽竟然連埋啲水跌咗落嚟。好彩間酒樓有地毯，啲玻璃先無碎，如果唔係就好危險。當時Deco 啲人已經走咗，打電話又搵唔到人，好彩酒樓啲人幫我掛番好塊拉布。雖然其實都係意外嚟，但係我覺得佢唔應該加水落個花樽到，雖然加咗水會靚啲，但因為個燈槽好輕，加咗水就好容易跌，同埋我覺得佢哋set 場嘅時候都唔應該將啲燈槽擺咁出。我覺得佢哋係預防意外發生呢方面需要改進，因為啲 decoration穩陣唔陣都好重要！ 另外，我本來唔知要白色定粉紅色好，諗住叫佢出兩幅圖俾我比較下，佢一開始都唔肯，後來先肯幫我，但態度就有少少唔鍾意。其實佢一開始態度都幾好嘅，只係後來一想有改動就會差少少。