因為pre-wedding輯相影得好靚，所以我哋順理成章就搵返Wade影埋big day。而喺籌備婚禮過程中，Wade喺big day rundown上都俾咗好多意見我哋，我哋好多問題問佢佢都一一答到，連有咩顏色嘅衫唔著得我都問埋佢，佢提我哋可能有啲長輩冇咁鐘意灰色﹑深藍色等等。其實我本身揀姊妹裙係諗住揀白色，佢就話可能會同我婚紗撞，搵啲香檳色嘅影出嚟就會sharp啲。 當日我出門係喺九龍香格里拉，揀之前我都問過佢邊間酒店影相會靚啲，聽完佢建議之後我哋就揀咗香格里拉。而且佢同啲賓客互動好好，又會不時講啲喜慶說話，令啲長輩笑得開心啲。當日佢隊crew全日都有好多人幫我哋影，個感覺就好似一班朋友一齊玩咁，好開心。