租婚紗我哋係搵Dream Wedding嘅，佢哋唔同嘅地方係唔會不停咁chur你同埋sell你嘢，佢會先了解咗你想要點樣嘅衫﹑了解咗你嘅要求先，感覺舒服啲，真係可以認真坐低了解吓。當日服務我哋嘅同事叫Anna，可能佢份人比較搞笑，所以成個過程同埋氣氛都係好輕鬆。當日嘅氣氛都好好，Anna同我哋有講有笑咁，令到我哋覺得好似做緊一件好輕鬆嘅事咁! 揀衫方面佢哋係可以喺未落單前俾我試衫，又話試一兩件唔鐘意都可以選擇唔要，就算真係唔join佢都okay，我最後試咗四﹑五件，而佢係冇收我錢。佢啲衫都幾新，而佢喺我落咗訂之後都攞咗幾套新衫俾我。我途中big day係改咗日子，我要求要改衫佢都有改到俾我。之後攞衫時啲衫雖然唔算好新，但都係乾淨嘅。