Big day我哋係搵Dream Wedding影嘅，攝影風格係比較韓式，都啱我心水。我都睇過幾間﹑格過價，都係覺得Dream Wedding比較好，所以就揀咗佢。 攝影方面，當初租衫佢就話有得包埋攝影，於是就介紹咗師傅俾我哋，我哋睇過吓啲相總括而言都okay，啲angle都係靚。中間我一路都好忙，直到big day當日我哋先第一次見攝影師，攝影師好似叫Gary（唔肯定），當日佢控制個場面都唔錯，可能我屋企人比較多，佢又會幫手安排邊個企邊度，幫手指揮啲人，令成個過程都好smooth。另外佢都係好生鬼同搞笑，好多時候我唔知點做佢都可以幫手舒緩吓環境。 當日人手方面係一個攝影一個攝錄，係有早拍晚播嘅片段，我都好鐘意成段片，佢將我想睇嘅嘢都放哂入去!