Zinnia Makeup
4.8

客戶評語

Kuku1437
4.5
服務 / 婚宴日期: 2015.11.14
化妝我哋係搵Zinnia,係朋友介紹嘅。揀佢之前都喺婚展試咗三次妝,有一間試妝費要$800,本身我已經打咗底化咗少少妝,但係佢一化完我就知唔會揀佢,總括嚟講都覺得婚展唔係太幫到我。Zinnia就唔同,雖然唔係話去到特別靚,但係真係好有心,又比較易話為,同埋始終我哋又要凌晨出門,未必個個肯配合,但最後...

化妝我哋係搵Zinnia,係朋友介紹嘅。揀佢之前都喺婚展試咗三次妝,有一間試妝費要$800,本身我已經打咗底化咗少少妝,但係佢一化完我就知唔會揀佢,總括嚟講都覺得婚展唔係太幫到我。 Zinnia就唔同,雖然唔係話去到特別靚,但係真係好有心,又比較易話為,同埋始終我哋又要凌晨出門,未必個個肯配合,但最後都okay,而個價錢都幾合理。佢有包埋喺結婚前試多次造型﹑睇吓啲皮膚﹑幫你睇吓個rundown等等。同埋有啲金器戴喺身當然想show出嚟俾人睇,不過可能兩樣金器重疊咗睇唔到,之後佢就諗到將其中一個放喺個頭度當係頭飾咁樣,真係好creative,未必個個化妝師都會諗到! 另外佢化妝技術都幾好,試妝嘅時候已經覺得好,始終因為試咗三個都有比較,去到結婚嗰日佢嘅技術仲進步咗,比起試妝嗰日仲靚咗。 我明白big day化妝係好難,頭髮造型可能比較少(多幾個就更加好),但係好難得就係佢化到出嚟無暇而透薄,影相唔會好白咁,化到成個人後生咗! 另外Zinnia好細心,佢亦都會喺big day前自己去花墟買花做頭飾,又會問番我有咩色唔想要﹑有咩花鍾意,呢樣嘢我覺得係幾好,又真係可以襯得幾靚,連我屋企人都大讚!