我係擺lunch buffet嘅，其實揀呢度係好多原因，我都Study咗好多個場，又要睇大細，睇budget同哋點方唔方便，後尾篩選咗一輪就決定揀呢度。我都係喺婚展搵到呢間，不過佢未必係每一次都會擺婚展，同埋佢個booth好老實講，真係好唔起眼。係咁啱我行埋去查詢，佢哋就俾啲資料我，咁我睇過overall ok，就再約佢on site睇場。佢哋都冇咩太大壓力俾我，因為佢其實除咗擺婚宴，佢哋個宴會廳其實主力係做好多meeting，所以冇太大壓力，冇話chur。負責Sales個同事叫Yuki，佢都係由頭到尾跟我個婚宴。 個場嘅hardware嘢其實同我睇場嘅時候係符合嘅，冇咩太大surprise亦都冇咩令我失望。我擺lunch buffet，起初都擔心啲食物質素，始終佢哋唔係咩五星級酒店，我都有事先去試過佢哋酒店buffet嘅食物，因為我先生自己整嘢食都好叻，所以佢都好緊張食物質素，我哋試食完都覺得正常。到結婚當日我哋當然都冇得食，但係聽返啲賓客講，都有好多朋友讚，亦都話ok。 不過佢哋同事嘅分工可以再好啲。老實講，Yuki係一個好忙嘅人嚟嘅，每一單event都係佢自己一個一腳踢，好多時佢搵我容易，我搵佢就有啲難。但係當日又唔係Yuki跟，係佢另一啲宴會部嘅同事，我覺得可能可以將啲job分開啲俾唔同嘅同事，一人handle幾個project咁，等佢又冇咁忙，咁每個event可以跟足啲。