布偉傑
Brian Burrell
4.5

客戶評語

ky1127
5
服務 / 婚宴日期: 2016.11.27
因為我要搵一個中英都得嘅司儀,又要流利,其實我搵Brian之前都睇咗好多婚禮司儀,發現呢兩種語文都流利反而係外國人會比本土香港人好。我都知道佢係演藝界,但唔係因為咁去搵佢。我都係問返一啲做event嘅朋友有冇好介紹,佢就介紹咗Brian俾我。我哋都見過面hold過一次會,見面嘅第一印象都好pleas...

因為我要搵一個中英都得嘅司儀,又要流利,其實我搵Brian之前都睇咗好多婚禮司儀,發現呢兩種語文都流利反而係外國人會比本土香港人好。我都知道佢係演藝界,但唔係因為咁去搵佢。我都係問返一啲做event嘅朋友有冇好介紹,佢就介紹咗Brian俾我。我哋都見過面hold過一次會,見面嘅第一印象都好pleasant,佢都係諗住幫你,唔係好似做生意要sell你咁,係幫你做好件事。我最大嘅要求都係中英文流利,證完婚之後要識得控制啲人流去食嘢咁,冇咩特別要求。 佢都有提我哋,如果有好specific嘅嘢要佢講,就要俾定script佢。佢都有提我差唔多咩時間要俾資料佢,都提得好清楚,好professional。到big day當日,佢係好flexible嘅,因為我哋當日出咗少少亂子,就係訂蛋榚嗰度遲咗好多先送到,佢就即刻將個script改到,完全唔提關於蛋糕嘅嘢,去到最後蛋糕到咗,佢先叫嘉賓去食蛋糕。我同太太都有speech,但係都冇預先諗定,都冇預先俾定script Brian,佢都好識得用我哋講嘅嘢制造啲笑位,轉數好快。例如我老婆話佢會繼續恰我,Brian就好聰明,完咗講完啲嘢就祝我百年好「恰」,好自然做咗個笑位。我哋冇夾過,純粹係聽完我老婆咁講就tag返一句。佢呢一點係做得非常之好。 我覺得Brian做得真係好好,我有其他朋友搵MC我都係refer佢,希望Brian可以繼續努力!