我揀Sheraton主要係因為佢哋啲嘢食好食，我係擺宋廳，佢哋嘅食物係由天寶閤嗰邊負責，只要好食，我唔介意俾多啲。另外，有啲酒店咁啱有好多banquet喺同一晚，酒店會請臨時工，變咗service會差啲，但係Sheraton嘅service係唔錯。同埋我淨係擺10圍，所以都唔係話好多選擇，咁sheraton location又好，所以就揀咗佢。 因為我之前已經喺Bali簽咗紙，返嚟補擺酒都係好似食一餐飯咁樣。當晚嘅質素真係如我期望一樣咁好，同埋賓客feedback都好好。同埋我哋有啲賓客係食素，佢嘅素菜都係好多元化。唯一就係Sheraton始終比較耐歷史，所以個裝修都比較舊，算唔上新淨。Banquet staff好好，跟住新娘嘅assistant都好好，好細心。有時候有啲甩漏佢都即刻幫我補到，飲水又會拎飲筒俾我，都好照顧我。 我結婚當日負責嘅Sales放咗假，就要搵另一個人跟，有少少混亂咗。其實之前service一路都好好，係到當日佢唔喺度所以有啲交接混亂。如果handover可以好少少就更好！