我擺酒揀咗YMCA 4/F 青年禮堂餐廳擺，我擺咗19圍，擺Buffet。因為我鍾意佢哋個廳好四正又冇柱，而且佢個廳maximum可以擺22圍，所以我哋擺19圍，檯同檯之間有一定距離，比較舒服。另外，我哋之前又食過YMCA嘅Buffet係好食嘅，所以就揀咗呢度。 佢哋其實同普通酒店去問佢嘢一模一樣，但係好少會話催我哋快啲落訂，唔會好似煌府嗰啲咁，大大聲叫你要買定離手，唔快啲就冇架喇咁樣。YMCA相比之下唔係大，亦都唔係起眼，但好似一啲傳統酒店咁，係你行到過去先介紹返俾你聽，亦唔會嚇你話唔落訂就冇。另外，如果Join婚宴，夜晚都會有返房俾你住一晚。 Big day當晚食物供應都快，亦都新鮮食，味道唔錯，亦都有紅酒白酒供應，而waiter應變能力都高。不過佢哋冇一個真正嘅新娘房，係conference room再擺多啲鏡俾你，就要行出會場2,3分鐘先到。咁啱我結婚嗰日落大雨，而buffet擺咗喺出面一個類似空中花園嘅地方。好彩佢就喺空中花園幫我起返啲蓬，就冇撇雨。 跟我嘅sales叫Yanki，佢各樣嘢都幫我哋協調好，而且咁上下會send個email俾你要點樣跟進，真係好幫到手！