揀club one最主要係覺得佢地價錢相宜，而且我地睇咗兩個場，兩個場都係新開咗無耐，所以裝修好新淨！再加上佢個場又無柱，新娘房又靚，所以最後就揀佢地。 佢地接洽態度都好好，主動提醒我地有咩地方需要注意，佢地又好細心問我有無人食素，如果唔係佢問，其實我都無留意呢點！我地亦好幸運，遇到個好好嘅統籌師，主動提我地大約幾時要confirm一啲重要事項，又提醒我地有一啲通常新人容易遺漏嘅地細節。 Club one本身有提供shuttle bus，不過我就想要rebate多少少，所以就無要到shuttle bus，咁佢地都唔係強制性要我地一定要用shuttle bus呢一點都好好！ 而Big day當日，佢地真係零甩漏，比如我好介意人地打麻雀，但個日因為親戚都比較鼓噪，所以佢都開咗比佢地，但係我註冊個陣佢就真係可以執返好曬個場比我，因為佢地知我好介意人地吵，呢一點我覺得好體貼。加上因為佢地係新場，我地連場地佈置都慳埋！