因為我同我太太由細到大都好鐘意迪士尼，一早就冇搵其他公司啦。我係加拿大長大嘅，打開電視就係嗰啲卡通，我細個爸媽又成日帶我去Orlando同California玩，所以我都冇揀過其他，一結婚就係迪士尼。 佢online嗰度WhatsApp有得enquire，後來business嗰邊有contact我哋，咁就約左個時間去睇。當日，有一位叫Carmen Sim嘅同事負責帶我哋去睇場地，咁岩嗰日就set好左個場嘅，對新人client未入去，但都比我哋睇下個setup係點。我哋諗住用佢哋16圍嗰間房嘅，我哋都諗住擺15、16圍，不過話16圍會比較逼啲，咁岩嗰度擺左16圍，就可以即時睇到個情況。 主題方面，佢可以揀中式或者西式。Chinese米奇嗰個佈置太紅噹噹，好似新年咁，所以我哋揀咗西式Cinderella，Cinderella個backdrop係藍色，感覺好好多。其實太太唔係特別鐘意Cinderella嘅，但base on兩個option，我哋都係鐘意Cinderella多過米奇嗰個。除左banquet外，我哋都有行禮，Carmen都有介紹唔同嘅package比我哋，例如decoration加啲靚啲嘅花啊，或者佢都有show過公司過往做過邊幾種package，反而呢啲額外嘅decoration都可以自己搞嘅，唔一定要用公司嗰啲，佢都有同我哋講解過同比啲example我哋睇。 到big day當日，幫我哋嘅wedding planner叫Icky Leung，由一點幾就出面個venue開始準備，到我哋三點半左右行禮，佢已經幫我哋安排好行禮同晚宴嘅細節，所有野都唔洗我哋諗。有件事好難忘，我哋個package包咗一晚酒店套房，但我哋總共住兩晚，如果兩晚住晒大房就好貴，所以我哋接新娘之後就轉返細房。但我哋換房時，唔小心漏咗個花球喺接新娘個大房，啲花用花樽插住。我知道後就同個wedding planner講，佢真係好好，立刻hotel service講，截住唔好掉咗我哋啲花。其實唔見咗個花球嗰下得我知道，我太太唔知嘅，佢係度化緊裝、換緊衫，雖然我哋有後備絲花花球，但我梗係想用鮮花嗰個啦。而最後行禮嗰陣，我哋都趕得切拎返個花球。基本上佢哋幫我哋搞惦曬所有野，無論係housekeeping又好，搵曬負責人兼好快將個花球傳返出黎個場地，呢件事真係好難忘！ 而婚宴中，米奇同米妮都有黎探我哋，啲人見到佢哋好似仲開心過見我哋哈哈。佢哋好自然，反而我哋兩個好僵硬，因為都有少少攰啦，但佢哋仲好有活力咁跳出黎，大家情緒都好高漲，佢哋入場大家仲拍片多過我哋入場，大家好開心！整體黎講都做得好好，待應都服侍得好好，專責照顧新娘嗰個女仔真係好細心，佢會幫新娘子拎住條裙尾，嗰啲驚走光又會提提佢，又成日問洗唔洗飲野。有時其他婚禮係姊妹幫手，但今次係出親場都係佢幫手，服務真係好貼心！