我本身係Disney嘅超級Fans，一直都有留意開佢地嘅網站！當我決定結婚之後，就上去佢地個網到登記，填咗表格，佢地好快就有專人回覆我。當時我們揀咗响Disneyland酒店舉辦晚宴，佢哋嘅經理Annie好快就覆我email，send咗幾個不同主題嘅Proposal畀我地揀，亦都有打電話跟進，另外又主動邀請我地參觀另一場同我地規模同形式差不多嘅婚宴，都幾細心。 主題方面佢地主要有中式嘅Mickey and Minnie同西式嘅Cinderella，我本身較偏好中式，而且鐘意佢紅同金嘅顏色配搭，所以我地最後揀咗Mickey and Minnie嘅主題，成個backdrop同裝飾都充滿咗Mickey同Minnie嘅設計，好似個「囍」字上嘅口，都會用左Mickey同Minnie頭嘅形狀去代替。 我地嘅婚禮之後由另外一位wedding planner Iky接手，佢一路都跟得好詳盡同好幫得手，好細心，執生能力好高。就算晚宴當日有啲突如其來嘅狀況，佢都幫我地即刻解決咗，例如響晚宴上我地有敬茶環節，本身預咗啱啱好數目嘅茶杯，但有啲輩份較高嘅賓客可能遲咗到會場，又或者臨時想敬茶畀另一啲親戚，杯突然之間唔夠用，但Iky都可以幫我地，冇乜甩漏同阻滯。 揀得Disneyland一定係好鐘意個咁歐陸風格嘅場地啦！但係呢，我地都聽到有啲賓客反應返啲地毯有啲凹凸不平，現場燈光又比較暗，所以有賓客唔小心kick到，好彩冇受傷咋！ 另一個揀佢嘅原因，就梗係可愛嘅卡通人物啦，我地都特登安排咗兩段嘅影相時段，分別有兩組卡通人物出嚟同啲賓客影相，最後我地揀咗Chip and Dale同Mickey and Minnie。除咗卡通人物，酒店方面亦都好着重所有Display嘅野同會場入面會播嘅片嘅風格同佢地品牌夾唔夾，所以事前都要先send咗畀酒店方面Approve咗先可以播，最起碼一定唔可以出現其他品牌嘅公仔啦！不過以我所知，有部分同酒店建築風格唔襯嘅卡通人物，好似Toys Stories果啲現代化公仔，就唔可以揀喇！ Chip and Dale同Mickey and Minnie之外，Beauty and the Beast亦都係我地婚禮嘅主題，因為之前見到日本Disney出咗一啲將Beauty and the Beast化成熊仔樣嘅公仔，我地就用咗佢地嘅圖案嚟做裝飾同擺設，但係一樣，呢啲都要畀佢地過目嘅，佢地普遍都覆得快，同埋都畀咗好多建議我地。 另外一個值得讚嘅地方就係，我地婚禮舉辦嘅日期咁岩撞正佢地維修外牆， Iky會主動聯絡我地，細心同我地解釋，亦都主動提供Candy Corner作補償。但後來因為工程進度加快咗，所以婚禮當日我地見唔到有任何棚架出現。我都想特別講下個Candy Corner！裏面全部都係Mickey形狀嘅Cupcakes，Macaroons，朱古力等等，個樣好得意架！我都有叫職員每樣包啲畀我帶走呢！ 婚禮當日我地其實遲咗半個鐘，去到現場，Disneyland嘅員工都好有經驗，又快手快腳，最後都可以趕到預定嘅進度。同埋佢地好盡心盡力幫我地，減少出錯，除咗一開始同我地做咗兩次Rehearsal，又有職員同司儀夾稿，當然亦都係確保用字上要符合返佢地品牌。所有安排都好周詳，基本上一切都係掌握之中。但係我就覺得新娘房比較細，廁所又得一格，所以姊妹或者長輩要換衫果陣都要等。 除咗預設咗嘅公仔，我先生都揀咗一架心愛嘅火車模型，佢想放響入口位畀啲賓客欣賞，佢地職員都好幫得手，盡量安排好電源畀架車運行，令到我地個婚宴增加咗唔少個人元素。 婚宴另一個重點就係食物。因為一直都有食佢地嘅自助餐，我對佢地嘅食物質素都好有信心。餐單方面彈性都好大，部分菜色都有幾個選項可以揀，通常婚宴最後一道菜都係炒粉麵，但我地就想特別啲同平時少機會食到嘅食物，所以揀咗上湯炸粉果。部分賓客都反映返食物質素唔錯，而且好有心思好精緻，好似同乳豬夾住食嘅果塊薄餅都係豬形嘅，好多賓客同佢啲乳豬影相！ 其實我地揀嘅套餐仲包咗一晚酒店住宿，但搞得婚宴新人一般都冇啖好食，但佢地都好細心，特登包好食物，完咗婚宴後Room service咁送上房間，仲鋪好中式餐枱。最令我滿意嘅位係第二朝早上送到酒店房嘅早餐，用西式嘅架排好啲食物，比我想像中精緻同好食，就連餐具同餐枱布都好靚。 除咗送咗一晚酒店住宿之外，套餐亦都送咗好多其他禮品，除咗一開始接洽時送嘅公仔，又送咗一張祝賀cert，仲有一套好靚嘅Cinderella玻璃杯！而且之前響婚展同佢地打過招呼，佢地特別再額外送多一晚住宿，仲有婚宴上擺設一套度身訂造寫咗我地名嘅投射燈，同埋8張樂園門券，不過聽返之前嘅comment，之前係送annual pass嘅，如果可以改返之前咁，又或者用張門券再補差額換annual pass就會開心啲啦！
我本身係Disney嘅超級Fans，一直都有留意開佢地嘅網站！當我決定結婚之後，就上去佢地個網到登記，填咗表格，佢地好快就有專人回覆我。當時我們揀咗响Disneyland酒店舉辦晚宴，佢哋嘅經理Annie好快就覆我email，send咗幾個不同主題嘅Proposal畀我地揀，亦都有打電話跟進，另外又主動邀請我地參觀另一場同我地規模同形式差不多嘅婚宴，都幾細心。 主題方面佢地主要有中式嘅Mickey and Minnie同西式嘅Cinderella，我本身較偏好中式，而且鐘意佢紅同金嘅顏色配搭，所以我地最後揀咗Mickey and Minnie嘅主題，成個backdrop同裝飾都充滿咗Mickey同Minnie嘅設計，好似個「囍」字上嘅口，都會用左Mickey同Minnie頭嘅形狀去代替。 我地嘅婚禮之後由另外一位wedding planner Iky接手，佢一路都跟得好詳盡同好幫得手，好細心，執生能力好高。就算晚宴當日有啲突如其來嘅狀況，佢都幫我地即刻解決咗，例如響晚宴上我地有敬茶環節，本身預咗啱啱好數目嘅茶杯，但有啲輩份較高嘅賓客可能遲咗到會場，又或者臨時想敬茶畀另一啲親戚，杯突然之間唔夠用，但Iky都可以幫我地，冇乜甩漏同阻滯。 揀得Disneyland一定係好鐘意個咁歐陸風格嘅場地啦！但係呢，我地都聽到有啲賓客反應返啲地毯有啲凹凸不平，現場燈光又比較暗，所以有賓客唔小心kick到，好彩冇受傷咋！ 另一個揀佢嘅原因，就梗係可愛嘅卡通人物啦，我地都特登安排咗兩段嘅影相時段，分別有兩組卡通人物出嚟同啲賓客影相，最後我地揀咗Chip and Dale同Mickey and Minnie。除咗卡通人物，酒店方面亦都好着重所有Display嘅野同會場入面會播嘅片嘅風格同佢地品牌夾唔夾，所以事前都要先send咗畀酒店方面Approve咗先可以播，最起碼一定唔可以出現其他品牌嘅公仔啦！不過以我所知，有部分同酒店建築風格唔襯嘅卡通人物，好似Toys Stories果啲現代化公仔，就唔可以揀喇！ Chip and Dale同Mickey and Minnie之外，Beauty and the Beast亦都係我地婚禮嘅主題，因為之前見到日本Disney出咗一啲將Beauty and the Beast化成熊仔樣嘅公仔，我地就用咗佢地嘅圖案嚟做裝飾同擺設，但係一樣，呢啲都要畀佢地過目嘅，佢地普遍都覆得快，同埋都畀咗好多建議我地。 另外一個值得讚嘅地方就係，我地婚禮舉辦嘅日期咁岩撞正佢地維修外牆， Iky會主動聯絡我地，細心同我地解釋，亦都主動提供Candy Corner作補償。但後來因為工程進度加快咗，所以婚禮當日我地見唔到有任何棚架出現。我都想特別講下個Candy Corner！裏面全部都係Mickey形狀嘅Cupcakes，Macaroons，朱古力等等，個樣好得意架！我都有叫職員每樣包啲畀我帶走呢！ 婚禮當日我地其實遲咗半個鐘，去到現場，Disneyland嘅員工都好有經驗，又快手快腳，最後都可以趕到預定嘅進度。同埋佢地好盡心盡力幫我地，減少出錯，除咗一開始同我地做咗兩次Rehearsal，又有職員同司儀夾稿，當然亦都係確保用字上要符合返佢地品牌。所有安排都好周詳，基本上一切都係掌握之中。但係我就覺得新娘房比較細，廁所又得一格，所以姊妹或者長輩要換衫果陣都要等。 除咗預設咗嘅公仔，我先生都揀咗一架心愛嘅火車模型，佢想放響入口位畀啲賓客欣賞，佢地職員都好幫得手，盡量安排好電源畀架車運行，令到我地個婚宴增加咗唔少個人元素。 婚宴另一個重點就係食物。因為一直都有食佢地嘅自助餐，我對佢地嘅食物質素都好有信心。餐單方面彈性都好大，部分菜色都有幾個選項可以揀，通常婚宴最後一道菜都係炒粉麵，但我地就想特別啲同平時少機會食到嘅食物，所以揀咗上湯炸粉果。部分賓客都反映返食物質素唔錯，而且好有心思好精緻，好似同乳豬夾住食嘅果塊薄餅都係豬形嘅，好多賓客同佢啲乳豬影相！ 其實我地揀嘅套餐仲包咗一晚酒店住宿，但搞得婚宴新人一般都冇啖好食，但佢地都好細心，特登包好食物，完咗婚宴後Room service咁送上房間，仲鋪好中式餐枱。最令我滿意嘅位係第二朝早上送到酒店房嘅早餐，用西式嘅架排好啲食物，比我想像中精緻同好食，就連餐具同餐枱布都好靚。 除咗送咗一晚酒店住宿之外，套餐亦都送咗好多其他禮品，除咗一開始接洽時送嘅公仔，又送咗一張祝賀cert，仲有一套好靚嘅Cinderella玻璃杯！而且之前響婚展同佢地打過招呼，佢地特別再額外送多一晚住宿，仲有婚宴上擺設一套度身訂造寫咗我地名嘅投射燈，同埋8張樂園門券，不過聽返之前嘅comment，之前係送annual pass嘅，如果可以改返之前咁，又或者用張門券再補差額換annual pass就會開心啲啦！