Cherish係我阿嫂結婚嗰時都用過佢哋，所以之前都試過俾佢哋化，覺得啲妝都唔錯。Confirm Cherish之前我去過另一間店試一次妝，我同個化妝師講話覺得啲眼睫毛太勁，但個化妝師就話「唔係呀！一定要咁影相對眼先好睇！」，我就覺得咁樣唔得，夾唔到的！後來去Cherish試妝時其實佢哋都化到我啲眼睫毛好勁，但我覺得佢哋都好nice，所以都決定用佢哋。我覺得佢好肯聽我意見，會了解我鍾意啲咩style，而唔會好堅持咁要我一定用2層眼睫毛之類。 Big day當日Connie同assistant好幫到手，夜晚都唔介意幫我啲姊妹補吓妝，suppose要收返錢的但佢都無收，真係好好！不過我揀咗最top嘅package都唔係全日跟住。例如朝早佢哋會嚟幫我預備好出門同埋化晒所有姊妹妝，留個化妝袋喺度俾姊妹，講底有咩就用裡面啲嘢補補，之後就會離開到出門後轉妝拍戶外先會再出現。跟住拍外影時又會消失，到夜晚要轉妝時又會再出現咁。我覺得如果佢可以全日跟住喺度嘅話會安心好多！不過佢哋啲妝真係化得靚，好多朋友都有讚。