場地佈置我搵咗梁品製作，本身之前都睇過好幾間但覺得唔夠靚，而梁品製作有得傾可以再design，價錢又適中，所以揀咗佢哋。我覺得佢哋唔會好hard sale，但又唔會唔show你，後來再聯絡態度都好好，問佢哋嘢都好快會覆。 後來再上佢公司傾，事前佢都會叫我哋可以搵下有啲咩嘢顏色或者style係我哋鍾意，事先比佢哋睇一睇先，咁佢就大概知道當日有咩嘢sample可以比我哋望下。又或者如果我哋有咩嘢design，佢都可以當日幫我哋再執好佢。 我覺得當日個成品出嚟都幾好，同睇圖幾似。唯獨係有少少位可能係同我expectation有啲唔同，例如有啲位我expect佢係一塊鏡嚟，原來出嚟之後係foam board。其實個foam board我睇落都鍾意嘅，不過如果真係鏡睇落會再grand 啲咁。 幫我個位職員應該係佢哋嘅高級designer，叫Hayman，佢問嘢都問得好詳細，一路全程都有幫我哋跟進。