我見有朋友big day幫襯過Teris，就去咗搵佢試妝，估唔到試妝嘅時候已經有件令我好難忘嘅事！嗰時我覺得試完第一個妝麻麻，佢竟然肯落咗個妝再幫我化另一款，嗰時其實未落訂未confirm，但佢都肯咁做，都幾impressive！！加上試完都覺得啲妝幾好同覺得Teris都好細心，就confirm咗佢。例如係我自己本身皮膚唔係話非常好，試妝個時佢都有教我點處理，同埋又教咗我Ｄ護膚方法，唔係只係同我傾啲妝。 Big day當日Teris幫咗我半日，佢嘅團隊幫埋我6個姊妹同媽咪奶奶化妝，佢自己就幫我換咗3個妝。喺三3個妝當中我最鍾意褂個妝，因為我套褂好紅，佢都可以化得我白裡透紅襯到套褂，所以幾鍾意！另一方面我都欣賞佢好快手，Set頭好快得嚟又做到就住我面型嚟改，我個rundown好趕佢都catch up到，而且又會隨時响我身邊standby，例如大風吹散咗少少都立刻幫我執返。我覺得Teris佢嘅快手同細心真係幫到我唔少。