我朋友結婚個時搵Vanisa佢化妝，而我嗰次就有份做佢姊妹，所以已經好貼身咁見證過Vanisa佢全程都好細心。加上我覺得佢啲妝化得好自然，唔會係睇落好假嗰種，到自己要結婚嗰時就自然都搵返Vanisa。不過Vanisa好多booking，加上我又成日唔記得佢收幾多，佢自己有時都好忙，所以有事問佢的話未必可以即時答到我。 結婚當日Vanisa跟左我全日，無論係褂，婚紗去到迎賓敬酒妝都好好。因為我老公個嫲嫲夜晚先到，所以我夜晚先補翻敬茶比佢，Vanisa個時就幫我轉多次褂妝出去敬茶。佢真係好快手，我6點開始迎賓，8點就march in，佢可以喺呢兩個鐘入面幫我換左三個妝！而且佢驚Ｄ姐姐唔太熟手會整親我，仲有幫我手換衫，唔單止處理我個妝。咁多個妝裡面我自己最中意係婚紗果個妝，因為佢化得好貼，就算我爆喊都無甩眼線同花晒個妝！同埋佢有用一樣叫高清噴槍幫我化妝，個妝會更加貼薄同持久Ｄ。