咁我地個陣行婚展就見到Vivi Bride嘅booth 係中間又最大，之前都聽過佢地，都有信心，所以咁好快就揀左佢地。傾嘅過程都好快，都無hard sell啲咩，都係好舒服。我地去左Santorini影prewedding嘅。本身都諗係去馬爾代夫定係希臘，咁佢地都有俾返好多意見我地，講馬爾代夫就得陽光海灘，咁所以最後都係去希臘。去之前都有俾哂個list有咩要準備嘅野喇，同埋有咩要注意俾我地，同埋都係wechat group到提下我地咁。咁因為去希臘影相，好重要係當地有公司先得，如果唔係就要罰80000歐羅，因為係啲政策保護當地生意，咁vivi bride佢係當地都有公司，所以就好順利。我咩都唔使帶去，佢地有車、有衫、有化妝。同埋啲衫都好靚，好fancy，亦都比較fashionable，唔係好普通個啲，亦都好多元化。攝影嘅團隊都非常專業，睇得出係大師級嘅crew，好快手，好快知道我想要咩。影完又會介紹俾我地聽邊到有啲咩食呀，介紹果個地方，好似導遊咁。化妝係台灣人尼嘅，亦都化得非常細緻，好好。