我哋會揀呢間酒店主要因為近火車站，可以方便我啲親友過黎，加上佢地個場都叫闊落，有地方比小朋友玩，又有地方可以打麻雀，可以滿足唔同親友嘅需要。 佢地服務態度都幾好，例如我無帶啲咩佢地都會即時執生去配合返我，大合照佢地都會好主動咁幫手搬枱。我有咩要求佢地都配合到，比如係我想親戚啲小朋友有地方玩，佢地都會安排到地方俾我，呢方面好唔錯。唯一一樣我覺得可以再做好少少嘅就係packing位個方面，例如我擺5圍佢地就比咗5個車位我地，唔係太夠～多少少就更好！場地方面佢地個邊都好夠光猛，樓底又高，空間唔窄。野食我都滿意，就算婚宴之前都有喺佢地個度食過野。婚宴完咗之後我話想打包啲剩咗既食物佢地都好配合，唔會浪費～