海景嘉福洲際酒店
InterContinental Grand Stanford Hong Kong
4.6

客戶評語

KAMAN
4
服務 / 婚宴日期: 2018.03.24
我地搵場地嘅時候主要想搵一間係地點方便,都睇過好多間,又有上網睇過好多comments。不過我地覺得有啲sales真係好似無心做我地生意咁,傾嘢同問嘢都好似唔想幫我地咁。直到去到GrandStanford同Alvin傾,感覺到佢地真係有心幫我地,而且仲好用心。佢俾左好多意見我地,會同我地講解成個流程...

我地搵場地嘅時候主要想搵一間係地點方便,都睇過好多間,又有上網睇過好多comments。不過我地覺得有啲sales真係好似無心做我地生意咁,傾嘢同問嘢都好似唔想幫我地咁。直到去到Grand Stanford同Alvin傾,感覺到佢地真係有心幫我地,而且仲好用心。佢俾左好多意見我地,會同我地講解成個流程,由出門開始每一個step,連租衫deco尼啲都唔係佢地服務範圍嘅嘢都俾好多意見我地,個陣其實我地仲要係未confirm!我地都覺得Alvin好用心咁幫我地,俾到我地有種好安心嘅感覺,同埋個價錢又係within我地budget,就confirm咗尼度。 佢地場地樓底都好高,影相嘅效果都好靚,傾嘅時候都好清晰咁俾我地睇哂燈光、音響同floor plan。佢又會分好多階段同我地傾,叫我地唔使擔心幾時要落訂或者幾時先要決定啲咩之類,好多野都俾我地結婚前一個月內再confirm,唔使我地一次過好急咁決定哂啲野,又會到時先提我地,真係全部都唔使我地擔心! Alvin因為知道big day當日我地會好忙,或者會唔記得俾佢,婚禮前一排已經叫我地入定啲歌、相同埋片喺usb度早啲俾佢keep住先。當晚我地到場地嘅時候,佢地已經幫我地播緊啲歌同埋相。另外,嗰日晏晝佢地場地有活動,Alvin直情幫我地聯絡我地deco間公司,同佢地傾定幾點可以尼早啲set左場外嘅deco,接左場先再set up入面,所有野都幫我地處理好哂~ 因為我都係佢地度出門,前一晚喺酒店住佢地送咗朱古力同香檳俾我地~跪墊同出門要用個啲野,佢地都借哂俾我地,真係好幫到手,唔使我地再安排。我地出門嘅時候有灑米,佢地都好好,話唔影響到其他人都可以,唔會話怕我地整污糟啲地方。咁啱嗰朝我出門嘅時候都有另一對新人出門,我見佢地都安排得好好,分得好清楚,完全唔會亂。 到Big day 當日,就有另一位同事跟我地,佢都好好,教我地成個rundown要點處理,律師嗰邊點樣會接得好啲,分享咗好多意見俾我地。野食方面,我地都上網睇過,見啲人都係話好味地先揀佢地,當日啲賓客feedback都話好食,啲野食好新鮮,上菜都好夠熱。我地成晚都好忙,無乜點食到嘢,佢地都有預食物俾我地,幫我地包好哂係外賣盒到俾我地攞走,而且啲食物仲熱,唔會凍冰冰。酒水因為package包左,所以我地自己都無額外再搵酒水。期間有啲賓客想要烈酒,佢地都處理得好好,會幫我地好有禮貌同好婉轉咁拒絕。最後臨走時佢地仲有恭喜我地~整體我地都好滿意佢地!