我覺得Arlene Wedding合我眼緣～而且傾計嘅時候覺得都同我幾夾，所以就揀咗佢地。佢地介紹咗個package之後都唔會話好hard sell，感覺都係大家傾下計咁，幾舒服～地點方面因為我好鍾意日本，所以一開始就想去北海道影相！佢會同我地推薦邊度影會靚啲，又有叫我地自己做research 我地去咗小樽、北海道大學、神社同埋影咗啲街景。因為我去影個陣係2月，都幾凍＞＜，我流鼻涕嘅時候化妝師都得登拎紙巾幫我抹鼻涕～:P set頭方面可能一開始無講清楚，我其實唔多鍾意啲set得好高既頭，但同佢講咗之後佢都即刻幫到我改返，所以都滿意～化妝方面都幾好，至少我都認得出係自己，唔會話化得好老 佢地既攝影技巧都幾好既，會教我地點樣擺pose，而且佢影既角度都好靚，所以我覺得原相都已經好靚。不過唔多唔少都總會有少少瑕疵嘅～例如影到腳架之類，但overall我已經好滿意～！ 排版方面係佢叫我排咗位先，之後都會再比意見我點排係最好。我覺得佢地成個流程啲野都跟得好足～！