我先生去咗外國做嘢，主要真係靠Wedding planner Nelson佢一直陪我去處理啲嘢。Nelson係我先生嘅朋友推介，話佢好體貼。其實起初我對搵wedding planner都有啲bias，都諗會唔會搵女仔好啲，覺得wedding可能女仔會detail啲，不過結果Nelson佢都處理得好好，好仔細。決定揀Nelson前我都有搵過另一個Wedding planner，但係我就覺得同Nelson傾嘅感覺好啲。Nelson佢會好清楚咁講明有咩佢會幫我做同有咩唔會幫我做，例如係貼label同seating plan都唔會做，但其他嘢都好幫得手。而且我覺得我哋嘅taste level都夾，好似另一個我咁，知道我有要求，所以佢啲意見我都覺得好有用。我覺得佢係care啲details又會有男性嘅角度。 佢幫咗我好多，有啲嘢佢都提我自己要識做，例如係我問佢我奶奶嘅makeup我係咪應該負責埋，佢就同我講既然我錢方面係比較afford到，佢就會俾埋，然後好仔細咁解釋俾我聽點解佢會覺得咁做比較好，提醒我媽媽同奶奶嗰邊化妝唔同嘅話有比較會容易唔開心。我覺得係好好嘅advice，最後我哋兩家人都無conflict。另一樣好好嘅就係介紹咗一個好好嘅MUA俾我哋。當時我真係試妝試到好辛苦，已經唔想再試，後來Nelson叫我試吓搵小白，話真係好好。後來我哋都真係搵咗佢。雖然係貴，但化得好好。 我覺得Nelson佢好盡責，真係幾夜都會打俾我，我有咩搵唔到，佢都會幫我。我後期同佢講真係有啲over budget，MC嗰度點算好，佢就話幫我做埋MC，講嘢又好大體，真係好好！Rundown又超details，時間控制都做得好好，啲嘢真係可以全權交晒俾佢～雖然兄弟就會覺得佢有少少惡，但我覺得控制時間同場面都可能需要～花仔花女有成8對小朋友，佢都處理得好好！我真係好推介Nelson！