我同我先生以前都係喺Disneyland工作同埋認識，所以我地都相信佢quality係有保證。同埋我地都比較過其他場地，覺得喺迪士尼嘅話budget上都係可以嘅範圍之內。本身我地諗住喺Disney淨係做Ceremony，夜晚就係其他地方擺酒，不過分析過好多情況之後，最後都係決定喺Hong Kong Disneyland Hotel擺埋酒。

我好欣賞佢地整個過程都跟得好好。例如係問咗一次價錢，其他公司可能會send個price list俾你睇，但佢地係會印哂D PowerPoint俾你好清楚睇到有咩可以選擇，每一樣野都係好detail，甚至連椅套都會俾哂相我地好清楚咁揀。Ceremony個張卡直情會有埋新人initial，好細緻。不過喺迪士尼辨婚宴，佢地喺防火同埋decoration公仔上面嘅限制好多，變咗我地自己一去搵production house，好多都reject，如果可以放寬D就更好。

食物方面就可能大概80分，屬於正常水準。不過我好鍾意佢地個presentation，不論係D咩，佢present個方法係好靚。環境方面，戶外證婚都有得去選擇。佢地基本decoration已經好好，好靚，同埋樓底好高，有好grand嘅感覺。

籌備當中有D插曲值得一講，嗰時我地已經book好哂戶外場地，但係因為後來有啲事，我當日要喺醫院接爸爸去迪士尼。迪士尼嗰邊好好，臨時都好好幫我地轉到室內宴會廳同埋安排咗休息室。佢地係婚宴前臨時幾日先知道，但都咁樣安排到，我都好滿意！

我自己嘅化妝師同攝影師佢地係行內人，都話Hong Kong Disneyland Hotel俾新人support係最多。當日有貼身助手，會好細心咁俾蜜糖水我地飲，事前同當日又一直有wedding planner跟住進，事前meeting好詳細，而且跟進得好好。整體都好好！