我地有朋友用過De Odd，同埋我地喺facebook度睇過佢地啲相，覺得佢地完全唔係好standard個種style，係而家興嗰種故事形式style，就好吸引我地。我地就搵咗De Odd佢地影prewedding同埋big day 攝影。

我地pre－wedding之前都開咗兩次會，夾埋應該差唔多成6個鐘，佢地會幫我地design埋點樣影同點樣安排。我覺得佢地真係同出面個D攝影公司好唔同，可能出面嗰D會叫你擺D對作／對望／回頭個D，但係佢地就唔會點特別要求我地擺咩pose。

另外，我覺得佢地好成功喺我big day當日令我地差唔多唔記得佢地存在！佢地唔會request我地要做好多嘢，而最後出到嚟D相好多都係好真情流露，好自然。而且佢地係非常專業，已經唔單止係攝影師，好似係我成個wedding嘅planner咁，佢地幫我地由頭到尾執哂成個rundown。同埋佢地係好有heart，會自己request早D嚟，遲D走，就算過咗時，又唔會收錢～