我起初認識KnW係想影啲大頭嘅相，未係影結婚相。嗰時上網見到佢地啲相好靚就搵咗佢地，覺得價錢都好合理。我都係抱住試嘅心態去影，覺得佢地都影得幾好，所以到我要影pre－wedding嗰陣就再聯絡佢地。

因為我同我老公都好鍾意日本，我地就同佢地講想影櫻花，但係邊到影會靚或者係要點樣影，我地完全無idea。佢地好好～介紹咗好多地方俾我地揀，又會租車，車埋我地，好多嘢都唔使我地煩。

我好欣賞佢地係幾點都會覆我地！因為我要照顧小朋友同埋又係澳門住，好難話成日去香港，所以我都係只係上過去一次。嗰次去到D衫都未係好啱身，中間又轉過其他衫，但佢地係好好，會影哂D衫俾我睇，又會俾埋意見邊D啱我著，等我唔使行多轉。同埋去日本，本身我係要咗4套，end up佢地帶咗7套俾我！準備定俾我如果有時間可以換多兩套衫影多D相，好flexible，唔會話樣樣嘢都好死咁。

去到日本成個過程都好愉快，好準時，攝影師會車埋我地去個spot，好滿意。個化妝師都好好，我最後影多咗兩套衫，佢都幫我換過個頭同妝，唔會話求其。同埋我地都會一齊食飯，佢地都會問埋我地想食D咩，跟住plan埋去邊度食。我地影咗兩日，通常新人都會想快D收到相。佢地好好，即晚已經執咗十幾張相俾我地先～每晚都係！我地返去抖一陣就已經可以睇到D相，真係好開心～