我地去行婚展其實都見到好多間唔同嘅婚攝公司，行到MMHK時見到Toby就覺得佢地係同其他有D唔一樣。佢地好老實，一去到就講明個價錢係咁就咁，同其他好唔同，其他嗰啲D公司去到最後一見我地想走，都會問我地心目中個價錢其實係點，而MMHK就唔係，真係一開始就講明價錢，唔會抬高再俾壓價。我見佢地風格都係我地想要，而且溝通嘅過程感覺都舒服，就confirm佢地。我地之後都係開whatsapp group溝通。

我地想去京都影櫻花～開頭嗰時，佢地話得返一個期，不過到我地再confirm就已經無咗。但佢地都好好，將中間佢地本身放假休息嗰日都開埋俾我地影，好幫手！睇衫嗰度未算係好多款，正常水平。化妝師我就覺得可以做好D，唔係太夠主動。

去到影相，有兩個攝影師有助手，都係好有經驗。因為今年花期早咗，攝影師係一邊揸車一邊係度追櫻花🌸，同我地去咗D遠D嘅地方搵，佢地都好攰。同埋佢地都好好，我地影相嗰時顯得好生硬，但係佢地都好帶動到氣氛。另外我好欣賞攝影師影相唔會好機械化，對對新人都係咁影。佢係見到靚就會影，我地到咗夜晚走嗰陣，見到個汽水機中間有罐飲品寫住京都，佢就叫我地過去拖手💞咁影個剪影，影出嚟好靚，我都好鍾意！我仲揀咗嗰張相做我地相簿個封底。

我地big day 都係搵返MMHK，攝影師係同我地影pre－wedding嗰個，始終我地之前都相處過十幾個鍾，感覺都係會熟悉D，影落都會smooth D。我特別想讚個早拍晚播～因為之前已經溝通過好想要咩mood同用咩歌，我地就揀咗我地隊live band表演嘅小玩意。到當日再傾嗰時，佢就話可能會簡單咗D，加多首會好D，佢就幫我地揀多咗隻歌，出到嚟個效果係非常好，好多人都話好似MV咁😍～！