我係咁啱經過見到KnW啲相覺得好靚，而且傾落大家嘅direction都好一致，就覺得好適合我地～ 佢地比較自然，唔會迫你去買任何嘢，而係大家都想去做好一件事咁，唔會好hardsell～

我地只係影studio，無出去影外景。化妝好專業，我本身係大細眼，佢都好容易catch到我化咩妝會比較好！佢又會幫手令到大家氣氛輕鬆啲～ 攝影師會教我地點樣擺post，影相技巧同質素都係十分好！我本身就比較喜歡自然光，而佢地就算喺studio度影，都影到個效果出嚟，一路影都有比我地睇個效果係點～我覺得佢地好識得運用光線，最後出到嚟其實比我預期好！！！

相簿質素都好好，係我地心目中想要嗰種北歐式風格，揀相時間都好足夠。有啲人可能會覺得佢比較慢，但係我覺得只要追求個結果係好嘅話，其實呢個時間差唔多～～自己覺得佢影big day嘅時候更加好，而且我地兩邊都好match，天氣場地各方面都好好，令到成件事出嚟嘅效果好好，無乜嘢可以挑剔！！！